長話短說。。。

1. 今日做既野係打機 + 溫書 + 睏覺。。。都真係幾攰下。經過咁耐既努力，終於有得用呢個鬍鬚佬，真係幾屈機下，我鍾意！！



2. 睇過某某既 Diary 覺得某某激可愛，哈。至鍾意真性情！另外點解另一個某某唔整 Xanga Skin 啊，又話今日整，整既搵埋我一齊，哈哈。

3. 呢期聽左句「格言」，真係幾正下 ↓

Never Assume But Assure

4. 補多幾句，做 IS Project 既時候我問隊員丙怕唔怕我地做唔晒個 Project，印象中佢好似答無。乜真係咁有信心？其實自己只係有決心，信心都不太大。成四點幾先交得，其實真係幾趕下架。

5. 又無上堂，今日要 Present。發覺班長激偉大，完全無任何怨言，可能有我唔知，不過真係唔似有。學阿邊個話，佢太善良了，唔夠硬淨。衰 D 講句，今次真係遇到貴人。不過另一方面有好似好衰咁，除左搵左 D 資料同改左個舊既 Template 做 Slide Show 之外真係乜都無做過。激唔好意思，不過都已成過去了。

本來今日都想翻去，同另外三位組員聯絡過，一個就唔舒服肯定唔翻，另一個就近期精力消耗太厲害未回氣打算唔翻，再另一個本來話翻去，但係佢打俾班長問翻唔翻，班長竟然叫我地唔好翻！仲講話大不了就佢一個 Present，因為除左佢之外我地都對個 Topic 本身都無乜認識，就係聽到呢句覺得激震憾，這個世界仲有這種好人呢！！

話時話，都係撘上撘先同佢講低話我去做個 Slide Show 個 Template，都幾主動問我地可以幫到佢架，不過佢又好似唔好意思咁。個 Topic 我都知係乜黎既，基本既野都清楚，係太 Technical 個 D 就真係唔識。

過唔過到自己個關？好明顯呢就一半一半，自己無分唔緊要，不過真係唔想幾個組員手牽手咁害左佢。唯有 Presentation 盡量做足自己本份啦。真係 Thank You.

個 Template，應該大家都見過：


6. 原來飲完牛奶真係好睏好多，由 1800 睏到 2000，睏得激「林」。呵呵呵，夠晒睡眠質素！家陣臨睏前又飲多盒，實巧巧睏呢。

That’s All.

---
基本上首輪 Project 既衝擊已經暫時告一段落，又係時候講翻幾句。講 IS 先，雖然開頭係有多少阻滯而且又有無限既怨念，不過幸好最後都能準時完成！係感謝之前 Post 翻段令我 OK 感動既 Message，上個禮拜五來的。真係人間有情，唔係，係「人間愛晚情」，仲要係重頭劇黎！！！(唔知你仲記唔記得，呵呵呵 A_A”)



其實 IS 這個組既人腳其實頗不錯，四個人一組 (相對於 E-Commerce 要求的技術人員) ，做落之後呢個感覺更強烈。這個 Project 其實好近 Deadline 先開始做，第一次 Check Progress 個陣都未開始，係 Mar28 (Mon) 先開始傾點做，到 Mar31 (Thu) 第二次 Check Progress 都只係搵多左少少資料，個日堂都無上，好似有多少害人精 Feel。

其實其他人已經寫好左佢地負責個 Part 既 Essay，自己係淆到 Apr2 (Sat) 個日下晝先寫完，再有多少害人精 Feel。咁 Sat 當晚同隊員甲講底左要搵佢幫手再作多 D 之後自己就睏左，個晚佢都通通地頂，成五點幾先睏。

到 Apr3 (Sun) 朝都仲係 Hea 緊，咁到下晝就作埋我要負責個 Part。之後有多少時間就開始睇其他人個 D Essay，發覺有隊員乙個篇好有問題，真係原文修錄。。。嚇死我，都好遲先通知佢要再處理過。第三次有害人精 Feel。到再夜少少隊員甲出現，真係死人都捉住佢再分輕 D 工作。佢 Sat 個日得幾粒鐘，到點幾到佢都頂唔順要脫離戰線，第四次有害人精 Feel。如是者就一路做落去做落去到我同隊員乙通頂，到第二日大家都成五點幾先有得睏，真係辛苦晒。

講到呢度大家可能發覺好似少左隊員丙出現呢？無錯，由頭到尾都無講過佢，雖然佢參與的確無我地三位咁多，但係佢總係做左個「及時雨」既角色，每每出事既時候就總會浦頭。一次落雨就係發現隊員乙篇文有問題既時候，佢就 Send 左篇係相同範疇既文黎，真係二話不說就 Send 俾隊員乙叫佢係篇文度自己再加翻 D Points，真係快好多。第二次落雨就係到 Apr4 (Mon) 朝佢幫我 Highlight 翻 D Main Points 出黎，完全令我既工作量激減！！

給隊員的話：
隊員甲：哈，你的 Business 既 Sense 真係好強，真情有點過份！非常感謝你百忙之中都能抽咁多空去作文呢！我通常夜媽媽先搵你做係我唔岩，呵。

隊員乙：其實一路以來你覺得自己係包袱，但係我覺得就唔係。每個人都有佢地自己專長既野，但係呢 D 野未必係 Explicit 咁睇到。無錯，你比起隊員甲同丙係好像差一點，但係你在「時間」上的付出絕對係眾人之冠，這些事並不能係份 Report 度看到的。再者，無左你，呢個 Project 肯定做唔完。

隊員丙：說實在，一路以來我都無乜期望話誰一定要有貢獻，都知妳係專心溫書唔理其他，所以對參與的多與少我都不大戒意，因為無期望便無失望。但係 Apr4 個朝我見得到妳個份「Heart」，完全令我覺得幾驚喜的。

小總：
講左咁耐隊員甲乙丙，其實自己都係一個隊員叫丁。這隊目沒有隊長，每個隊員都知道自己應該要做乜野，同時間大家都在自己較善長的地方發揮，這裡沒有一個人是包袱。慨然大家都係同一隊，無隊員希望自己的隊目完蛋，大家亦很願意踏出多一步令工作做得更快。這是團隊合作中最需要的！我地既士氣十分之高昂呢，難道呢個就係三個男人間不需要一言一語就能激發起來的東西？！ (無聊的團隊 + 正義感又發作 =.=)

需然做得辛苦，但其實總括來說都係開心的，絕對係美好既回憶之一，希望遲下既 Projects 都可以係咁開心就好了。哈，所以話「默契」幾時都係咁重要。Thank You So Much.

最後，可能壓力大既關係，在此向所有得罪過 + 嘈過交既人感到深切歉意，「I’m so sorry.」

---
1050 :: 岩岩打完個 FreeTalk，原來自從上次 Upgrade 後就有個 Bug 同 FreeTalk 有關的，有段 Code 放錯左位，搞到無啦啦有個神秘既「0」。搞左勁耐都搞唔到，起碼成粒鐘，最後走去睇 Generate出黎個 HTML Code 再對翻個 PHP先知原來有段 Code (即係 Echo diary_comments.png個段) 放左係 Diary Type先 Run 個對 Brackets 裡面。個神秘既「0」原來係個 Comments Counts 黎，真係吹脹！