2222。。。頂唔順，無睏到晏覺，好攰呀，係攰到唔想打字，所以臨睏前一次過算。

1. 今朝起身打左陣《真三四》，開左關平打左陣。有幾個護衛兵既名都幾爆笑下，特登 Cap 出黎的。



關節。。。乜可以打人架？！甘鈴？甘寧既投胎轉世版？！[國語] 成龍哥哥啊。。。 [/國語] XXD

2. 之後就開始 Weekend Movie :: 《Meet the Fockers》。說實在，有多少失望的，可能本身有期待 (唔通個「無期望有驚喜，有期望實激死」 Theory 真係咁堅！？)

劇本身個 Cast 都不錯，又 Robert De Niro 同 Dustin Hoffman。唔識評一個人演戲演得好唔好，不過劇中演員都做得好自然，除左兩位影帝外，男主角 Ben Stiller D 戲都 OK 既，夠入神！！有期待係因為睇過第一集，而且網上影評都寫得幾正面。不過睇完之後覺得都係第一集好睇 D，第二集 D 笑位唔係唔夠多，不過帶來既衝擊無第一集個 D 咁大。之不過都唔會話悶的，都一樣咁好笑。但係呢，都幾多黃色笑位的，絕對係 IIB 級 / PG 家長指引的。呢個係推介來的！！有機會真係要睇一睇。



PS. 其實最搶戲係個 BB 仔，做手語個度勁搞笑，特別係做「I’m Watching You!」，即係右二同左三個 Set。另外佢講「Ass…….Hole」個幾又爆笑，勁可愛，講 Hole 個陣個口真係「O」晒。

3. 睇完套戲本來想睏晏覺，不過老師打電話搵我，講左陣啦。從佢口中得知另一個老師都頗關心我既「信仰生活」(原本個個詞語唔記得左。。。肯定唔係生活。) 。其實都 OK 耐無搵佢了，呢期真係好忙，到 May 到得閒 D 可以搵佢飲下茶。

傾左雖然唔算太耐，不過都帶出一個問題：「習慣一樣唔好既事，會唔會係有多少可悲呢？」雖然現實生活的確唔會咁如意，但係「改變唔到人就改變自己」呢個想法同我既價值觀是相違的。不過真係差唔多大半年了，無理由仲唔習慣的。

聽日應該都會翻教會的說，終於可以拎翻幾本小冊子，等左都 OK 耐。突然記得翻上兩個禮拜無翻去既原因，一次係約左人睇戲，一次就要趕 Project。聽日又可以係咁噴口水，如果係上個禮拜既話仲多野講，唔係講幾個鐘，夠講幾日的。哈哈。

4. 睇完《Meet the Fockers》之後 Hea 陣就睇左粒鐘《攻殼機動隊 SAC》，真係幾正，得 26 集，應該好快睇完就睇第二輯！再之後就睇《Branson’s Quest For the Best》，再之後又 Hea 過到 2200 到，搵翻套 Avril Lavigne 既 Concert 黎睇，好正！裡面 D 歌全部都係 Favour 黎。睇完之後就就打 Diary 呢。沖完涼之後打仲未打完。。。

唔講了。。。真係好攰，家陣係 2355。。。暫時因為太攰所以都無精神講話唔開心的說。今日睇得太多野了。。。就快盲！