尋晚睏得非常安詳。皆因自己係屋企都換左季，著翻條長褲，終於解左睏到朝早五點零六點凍醒個問題。 ￣▽￣∥

今日心情絕對靚爆。朝早例牌 Check Post 、搵下涼子姐姐靚相咁。之後走去打下 NBA Live ，一入 Game 個陣有個 Report 話 O’Neal Shoulder Dislocation，要抖七個禮拜。。。Oh My God！但係之後作客 Utah 個陣又唔覺得有乜大問題。仲打得幾好添。 All Stars 6mins 98 : 53，贏係因為有 18 個 Steals。D. Wade 射 25 中 20，共得 43 分。之後打多鋪都覺得完全無影響咁制，反而仲打得好左！？

打到咁上下就做每日最無聊既事。。。食 Lunch 。。。仲要山長水遠個隻 [好彩都算出得耐，都有 ~ 3個鐘，比較無咁無聊。 XXD] 。。。平時自己放假 Lunch 都是是但但，一係乾咬麵包、一係食個麵、甚至唔食 Lunch 等夜晚個餐。基本上我係一個大懶人，要我出街簡直難過登天。今次自己都唔敢相信會去到咁遠食個 Lunch。。。係自己突然痴左？個餐飯好想食？定係班飯友吸引？真係估都估唔到。不過個餐食到頂胃。飽到夜晚飯個時。。。本來諗住四圍影相既，但係出一出左街又覺得好攰，所以又打消左呢個念頭。。。翻到屋企繼續 Hea [唔 Hea 唔得，實在太飽。。。] 。

例牌洗頭沖涼準備一下午睡，但係沖完涼又精神左，結果又繼續打下機。打左陣又同人傾左陣計，同時又再執執個 Diary PHP 既 Coding。不過之後發覺唔知好彩定唔好彩，每每想睏 / 打機既時候就會有人出黎問下我野同我傾下計咁。哈。搞一大輪都無打到機，之後想做下 JAVA ，之但係心血來潮想 Update 下個 FireFox。又再搞一大輪就到家陣十點幾。又係時候準備覺覺。。。

P.S.
可愛既人講野點唔可愛都會變得可愛。唔可愛既人講可愛野會變嘔心。
一個白痴既人講咩都會係白痴。。。。。。睇怕我係呢種人。
-----
突然間想即刻買部 NDS 。好似好正咁。等我發左達就買部 PS2 過你，不過好似 NDS 好 D。可以屈多幾個人買上 Lecture 個陣 Wireless 對打！呵呵呵
另，PS2、GameCube 同部 GBA 已經完全被塵化了。又係時候抹一抹塵 ￣▽￣∥