今天故事峰迴路轉。。。說來話長。。。今晚講 Project

1. 這個鬼佬個 Project 竟然 32/40。。。真係十萬個震驚。有這個分數最主要都係班長既功勞。首先，份 Report 佢全部係自己作，抄襲率 ~5%。其次佢 Q&A Session 表現十分出色！綜合來說，佢係應得的，不包括在下。

說實在，臨時拉夫既情況下，點都無諗到呢個結果。下年有 Group Project 既話實癡實班長！呵呵

2. 這個 E-Commerce Project 係觸礁。。。離了題，結果無商業價值。其實做落個陣都知差架喇，尋日先開始做。今日有貨交都算係咁了，好差自己就覺得未算既。。。不過係差差地啦。Demo 完之後終於知道佢想我地做到乜野地步，可惜為時已晚。。。

其實 Demo 只係一陣間，好多野其他組有就唔洗 Demo。結果個 Demo Session 最後變左同個 Lecturer 傾閒計。。。好似好岩傾咁，都講左好耐。講翻點先有商業價值、講下要做成點、講下佢以前既經歷、講下對考 AL 既人既睇法、講下佢認為處事既方法、講下考試局有幾黑暗。

個 Project 基本上唔達標的，但係唔知點解個 Lecturer 叫我地放心，會俾翻個 Pass 我同另一個同學，算係放我地一馬。嘩。。。好震驚啊！咁綜合翻各方面，我覺得有幾個可能，第一就係佢體諒我地考 AL 所以分左心做唔到個 Project、或者係我地岩傾、或者見我地都有一個熱誠係度、或者見我一個人做能力有限 (因為幾次搵佢都係我自己一個去。)

呢件事令我體會到同 Lecturer 岩傾既好處，所以都係唔好得罪 Lecturer！仲有就係今日頭 4 組裡面有 2 組 A 有 2 組 F。咁大家想一想吧。Project (50%) + Test 1 (20%) + Test 2 (20%) + Attendance (10%)。咁呢科頂多得個 C，分分鐘 D 呢。。。都咪話唔陰公。不過無時間做，Lecturer 都講得岩既，有交到都總比無交到好既。綜合來說，隔離班大部份個分都係好過我地好多好多的。最後都學到野既，不過已經係 Demo 完先知。哈哈

3. 之後兩個人去左《小魚滋味》食野。由四點幾食野 + 吹水到成六點幾，都講左好多野，一樣咁開心。不過攪珠個度如果有個無興趣既 Course 都係唔好揀呢，係依家個 Course 見到好多 Sample。。。今日真係多謝曬你喎，請我食 Tea。

4. 今日見到兩個好靚既姐姐啊 (其實有個係妹妹) ，瓜子口面，又白喎。原來自己真係好鍾意膚色較白既女孩呢 (涼子姐姐！) 。年紀細 D 個個姐姐真係巧正 (仲要係對面 Lift，不過係第一次見)！佢副眼鏡好襯佢，膚色白 + 瘦 + 細眼既女孩子戴粗框眼鏡真係幾好睇！佢對腳好有 Shape 的說！

That’s All. 真的好攰。。。喉嚨生飛滋。。。勁痛呢。。。好似又病病地，呢期唔夠睏。。。明天的 Test 還未看過的說。反而個 Sat + Sun + Mon 共三個鐘既節目終於睇曬。。。

真的很感恩的說。

---
嘩！個 Project 出事了，係做得好差。。。但係我深明瞭一個道理。

---
回阿娘： 我們是做賣卡生意的。係 D Product 同 Price 未 Update 呢。D Price Set 錯左 1 HKD = 7.8 USD，所以 D Product 閒閒地都幾千銀 >v<

0558 繼續 Logging，Install 左個 Category Description Mod。

0830 加緊 D Catagories，搵到個 Family Products 既 Mod，睇下陣間有無時間加落去先！

1412 準備出門口，翻黎先報平安。