蕉蕉 ~* 今天就是這樣蕉蕉的過去。

1. 這個。。。懶音問題可以影響到打錯別字呢。例如「到」同「度」、「過」同「個」、「佢」同「去」。大家要注一意一下的說呢，有時自己都有咁樣錯。。。

2. 依家 D 女孩子真是呢。。。竟然玩埋應該男孩子先會玩既野，呵呵呵。點解我身邊無呢 D 咁既女仔呢？



唔出得街既打左格仔唷。

3. 這個五月新旦吸引力唔錯，有幾套都好想買。首先，這套 Doraemon 既匙扣蛋就真係必買！



不過呢套蛋最可愛既係大雄個款，其他個 D 就真係只係一般，唔知有無得單買既，有實有既，自己扭的話。不過買成套的話唔係唔好既，可以將多出黎個 D 送俾人。

另一套想買既就係以下既 School Rumble 蛋 ↓



魔法老師！明日菜！！



呢套課室蛋都幾吸引下，係冷門之選！



另外仲有套 Cutie 空姐蛋，不過未搵到圖翻黎。家下扭蛋真係出到無野好出，出埋 D 咁既野。。。不過好似呢期都開始多鹹蛋，定係我少見呢？



4. 天氣熱既時候食乜野？咪就係雪糕



今日睏左陣早既晏覺就起身食野，本來睏得一陣唔諗住起架啦，不過焗爐爐左野食就起身食埋佢。個陣真係睏得勁「諗」，又涼涼地咁，舒服到 。咁其實唔睏覺既話應該會睇《攻殼》，結果當然都係睇唔成，不過就 Scan 左幾集《逮捕令》，家下睇翻發覺原來都好多集無睇過 / 無印象。都真係幾搞笑呢，我要 Get Back 我 D Memory！

咁 Account 點？Final Account 同 Cash Flow 都無問題，但係另外兩題既 Questions 就唔知點好，聽朝應該再背下個十幾條 Formula，咁搏佢出 Stock。其他個 D 搏佢唔出，唔溫，頂多睇下 CVP。

5. 其實男仔成日話唔明女仔，女仔咪一樣唔明白男仔。男仔估唔到女仔想點、話唔明點解可以係咁傾電話、出街化妝化成粒鐘都未出門，甚至可能化到濃妝妖豔咁、又唔明點解情緒話變就變等等。咁女仔咪一樣唔明白男仔點解成日打機、都唔明點解男仔話要睏覺，又話唔好嘈佢、都唔明白點解咁鍾意 Gundam。。。

兩性之間就係咁多疑問，但係我覺得又唔洗刻意去明白架喎，如果兩性之間有衝突，試下由對方的角度想一想。男仔也許會變得細心、女仔就會變得體貼，你地話幾好呢。

PS. 咁樣係咪解析到點解我病到死都會走去打機呢，女仔係唔明白架喇，哈哈。

That’s All. 今日又可以早 D 睏，其實成日都無乜點溫過。真係無曬心機同心情再去溫書，只要過到自己個關，考得好定壞邊有所謂。最後大家再黎多次蕉住黎 Yea ~*



---
這個東東係某位個 Xanga User 度睇翻黎 → [在這]



VICTOR ::

→ 整體性格
愛好和平，對。寬宏大量點都唔會係「即時」架啦，嬲完就真係會無野既。開朗親切就熟少少個 D 先會，唔識個 D 就覺得偶係 Cool 呢。彬彬有禮？睇下你點睇啦，係又得唔係又得，睇人啦，呵呵。輕鬆享受生活，呢個係我追求的。有無神秘感就無意見。會鑽研，但未必係刻苦。腳踏實地係咪即係現實？

→ 待人性格
甚麼合情合理個類都係大部份天秤仔女既「特點」的說。容易融入群體就中立的，對做領袖 / 組員絕不戒意，之不過呢，另一方面我覺得做人要開心，與其埋堆唔開心既不如唔好埋。呵，我好內斂架，又怕醜喎，巧中啊。之不過我係會怯場的，頂多扮到唔怯咁。排他性就真係唔強，重視私隱同較開放都對。

→ 處事性格
Um... 算係不平則鳴啦。唔隨和架，係會好執著同會發老脾的。可以協商既原因係本身自己都猶豫不決，講幾講就會被說服。Er ... 我會有理想都幾實際既，香港人係咁架啦。做野點都要有 Plan 的說，邊有咁多即興，咪搞我。

→ 性格缺點
缺乏競爭心同容易滿足就不對了，我唔易滿足的，競爭心都一般啦，真係有乜好爭。猶豫不決 ... 各項這類的資料都這樣說呢。敵我不分情況都唔會太嚴重，不過偶爾的確會中招。

→ 價值觀
愛情的滋潤，中！讚美與掌聲，再中！哈哈，個人就係咁虛榮心重。追逐功利對偶黎講比較難同少啦，有乜好爭呢。噫，咁即係虛榮心又少翻 D？！

→ 愛情性格
No Comment。等妳話翻我知吧，呵。

→ 金錢性格

花錢很浪費的！！不過唔太計較既，應洗得洗，不過依家係唔應洗都洗。Yeah ~ 追求自由、享受浪漫。幾時都話，浪漫係由錢堆砌出黎。

小總 ::

好似 OK 準咁架，不過諗真 D，個 D 句子其實幾百撘架，有邊個唔愛好和平，又有邊個唔追求自由呢。再者，否認缺點又係人既本性，所以缺點方面就一般啦。但係有 D 都真係幾到肉下既。當玩下咁啦，咁就變左上半日既 Diary，幾兒戲。

Yea ~ 為天秤仔感到光榮。

PS. 話時話，個位 Xanga User 好似未還翻本 Notes 過我，我要收翻 D 回憶，哈哈。不過佢應該睇唔到呢段 Message 架喇。

---
話時話，今日點都要睇 D 片先溫書，唔想積埋積埋五六個鐘片，好快又黎新一批了。。。