很好，都係無 Sub Heading 的。

1. 其實今日真係好攰好攰，預左今朝都唔翻教會。咁心血來潮想探下老婆婆，咁照樣早起身坐陣就同阿娘出發。每個禮拜阿娘都有探阿婆既習慣，不過我就通常都唔會跟佢去。無他既，之前懶出門想睏晏 D，依家翻教會朝早又唔得閒。

咁今日就特登探下佢，真係買梳蕉去。哈，一去到就講「阿婆，食蕉啊！」。真係咪講笑，氹得佢老人家幾鬼開心，老人家同細路仔一樣都係要氹架 (即係要氹我，呵。) 。阿婆一味話「要聽阿媽話啊知唔知。」，次次探佢都咁講。咁當然阿婆俾左多少錢去買野食啦 (掉轉黎講，我鑿佢 D 錢 A_A”)，雖則都係阿娘俾阿婆再俾我，但係都叫阿婆俾嘛。上次探佢應該都係新年個陣了，都好幾個月。我都算有心特登咁早起身去鑿佢錢，細佬去都費事，幾無心。

哈，阿婆依家仲咁精靈就肯定係我細個激得佢多，刺激佢腦部，真係好事黎架。佢個 D 鄉下話唔係人人聽得明架，以前 D 同學仔上黎我屋企都唔知佢講乜架，哈哈。

PS. 1. 這個每個禮拜日朝早彷彿好似親子對話時間咁，連續兩個禮拜日朝早都同阿娘傾閒計的說。

PS. 2. 雖然依家同妳好似「無乜野」咁，但係妳應承過我既野我記得的呢。希望妳記得履行承落啦。

2. 咁十一點零翻到屋企之後就睇左好耐都無睇過既 NBA！Form 6、7 上堂日日睇星島體育版
，就係個陣有追 NBA，之前都只係留意下咁。咁 Grad 左之後都無乜點追，今年直情已經少留意。今日睇翻 Wizards vs Heat 轉播突然間好有 Feel 呢。Heat 有驚無險 4-0 踢 Wizards 出局。呵呵。

咁睇完之後就去洗個頭再去睏晏覺。睏個陣都無開冷氣，開把風扇已經夠涼，仲可以「Comp」被添。睏到兩點鬆 D 起身食 Lunch。之後就落銅鑼灣。

3. 咁今日都花左唔少錢，一開始就去 298 買 Ink，本來想搵翻本 Photoshop Filters 既書，上次見過覺得幾正，可惜搵唔翻。。。都無乜新野，係有 D 姐姐咁，有兩個都幾得的，就係咁多。

去左 188 睇扭蛋，真可惡！新一批扭蛋未有得賣。。。原來某間店鋪新蛋係照正價賣的，反而舊蛋食水好深。。。貴成倍，我套《小魔女 DoReMi》蛋賣到 $180。所以都要追蛋買先睇！新既 Doraemon 匙扣蛋就無得賣，反而有套舊既 Doraemon 匙扣蛋賣 $160，差 D 買左架喇，臨尾覺得貴左少少所以唔買住，遲下都可能要落兆萬搵下先得。

咁行去三越買 Card，咁今次就買左兩張日本 Hallmark 既 Cards。Made In Japan 既野果然係精美 D，比起美國個邊既 Design 真係 Grand 好多呢。之但係價錢就貴少少啦，都要三十鬆 D 蚊。原來佢都食水咁深的。

呵，總於買左新 T-Shirt。兩件咁多，係 Reebok 的，有 Discount，算抵少少啦。估唔到件衫都唔算貴喎，抵！仲買左幾對襪，好！其實呢，想買對鞋，不過一睇個 Design 係咁 Slim 都知道係女裝架喇。不過自己咁瘦，著女裝鞋好似襯少少呢。

食過晚飯之後再落過三越 Ice Fire 買傘子！正啊，今日收穫非常豐富。

4. 經過今晚既飯局之後，發覺原來我唔係一個年青人，都真係 Out Out 地。。。今晚同阿娘既朋友一齊食，係 Time Square 上面既金滿庭。個度價錢都唔太貴，係要好早排隊等位麻煩 D，食物都唔錯。下次大家飯局可以試一試佢，奧海城都有一間的。

5. 今日終於明白點解 D 女孩子要坦胸露臂，真係熱到呢。。。話時話，銅鑼灣咁多人，咁多大廈，佢地噴出黎既熱氣真係唔講得笑，大廈裡面係涼啊，出面熱到嘔血姐。

咁當然有好多靚姐姐同唔靚既姐姐啦，睇下涼子相先 ↓



今日發覺一樣幾有趣既事，就係好多女孩子著短褲 + 涼子姐姐著個款鞋。本來都無乜野既如果有修長雪白既雙腿。之不過， D 女孩子都頗喜好塗上腳甲油，真係五顏六色五光十色。但係我覺得唔太襯呢，腳指呢家野其實點都係好難靚，油上指甲油之後 D 腳指變到粒提子咁。。。啋。

有 D 驚嚇 D 既就係有 D 係有一對粗壯既雙腿、有 D 就係長頸鹿 / 班馬既雙腿、有 D 仲要有腳毛添，啋。都真係唔想見到，但係行人扶手電梯個度好難見唔到呢。

6. Yea ~ StarWar！Master Yoda 巧型唷，其實都幾 Cute 下。



不過唔知邊一集佢要死呢。。。另外以下一對其實係姐弟戀黎 ↓



係 Ep 1 既時候 Amidala 已經亭亭玉立，但係 Anakin 都只係個細路仔，估唔到 Ep 2 就黎 D 咁既野。。。真係估佢唔到啦。睇完 Ep 1 & 2，真係好有衝動睇埋 Ep 3 的說，有無人想睇啊？看來偶無腳陪我去睇。

7. 其實，大家應該要知道「呵呵呵呵」既始創人係邊個先得呢，佢就係藤之宮千歲！



大家一齊黎「呵呵呵呵」吧，呢套《金魚注意報》(娛樂金魚眼) 係日本就快會出 DVD，另外近期有得撈翻呢，有心人就食自己吧。

2449，今次掉翻轉，打好曬先去沖涼，好熱又未係 (我怕凍多過怕熱呢。。。) ，但係都有汗流的說。今日都係無講到影評同那個感性的短文。呢 D 野都要睇下有無 Mood先講呢。That’s All.

---
最容易被嚇哭的女生星座排行榜

伸手不見五指的夜裏，一個人獨自走在回家的路上，涼風颼颼的從脖子裏灌進來，腦袋裏所有鬼怪全都出動了，在這樣的情況下，十二星座的寶寶們誰哭得最厲害呢？

第一名：雙魚座

如果要數誰最先哭出聲，那還得說是雙魚座妹妹了，誰叫她們喜歡哭，她們容易哭的程度是：還沒看見什麼，也沒聽見什麼，莫名其妙的就突然大叫一聲，跑到男朋友的身後狂哭。把別人嚇一跳。我的媽呀。

第二名：巨蟹座

多愁善感的蟹子眼睛裏好像放了催淚彈一樣，她們豐富的感情用到這兒來正合適。不過還好，她們一般情況下不會哭出聲來影響到別人。

第三名：雙子座

誰說雙子一向都是天塌下來有高的擋著，沒高的擋著就蹲下來找別人擋著的無憂派？其實她也是很喜歡哭的，不過雙子寶寶不是因為害怕才哭，她們是因為好不容易又發現了一個可以刺激自己神經的新方法，喜極而泣了。

第四名：處女座

天生神經質又敏感的處女，一到晚上全身的感覺細胞就像是老鼠一樣靈敏，甚至連頭髮堅起來都能當天線用，一點點外來的感覺都能把她們嚇哭。

第五位：天蠍座

很多人都認為蠍子們都很COOL，可是這有的時候也是一種誤解。所以當蠍子們哭的時候，大家就覺得不得了，其實蠍子們也是人，也有感情，也會哭，只是她們只會在心愛的人面前才會表現出軟弱的一面。

第六名：獅子座

沒搞錯吧？是獅子？那個天生的王者？嘿K，其實，獅子的極愛現，和極誇張的性格，在夜黑風高的晚上，也不會有所收斂，平時因為太愛面子，而受到壓抑的個性，在這時就會得到釋放，只要沾點邊兒的，就會讓她們大哭一場，總之要達到戲劇的效果才會甘休。

第七名：天秤座

一般來說秤子不太容易哭，不是因為她們過於麻木，而是她們知道眼淚是應該在值得的關頭才好用，天一黑就哭？那還不是沒幾天就趕了？等回到家裏，趴在喜歡的人的懷裏，還哪有眼淚呀？她們才沒那麼笨哪。

第八名：金牛座

佩服佩服。牛牛們的忍功還真不是蓋的，不要說走夜路不會怕，就算真的碰到壞人她們也不會害怕。不過，如果那個不實相的傢夥想劫財的話，把她急瘋了，她才會哭出來。否則，看牛牛們哭還真像流星雨一樣難得。

第九名：魔羯座

愛面子的人在人前都不太會哭，更何況到了一個人的晚上，把眼睛哭紅了，把精心化好的妝哭掉了，一但在這裏邂逅到真命天子那怎麼辦？

第十名：水瓶座

瓶子會不會被嚇哭？相信只有她自己才知道了，有時甚至她自己都不知道，每個夜晚都不同，她的第一感覺就是覺得新鮮好玩，這個與白天不同的地方對於她來說，絕對夠IN。

第十一名：牡羊座

你們以為牡羊人是吃草的嗎？好不容易趕完了壓死人的工作，歇一口氣還來不及，哪有時間哭，如果真的哭了，也只不過是為了發洩一下白天積累下來的怨氣，等一會，就完全沒事一樣了。

第十二名：射手座

出了名的樂天派，天塌下來都不會怕，精彩的夜生活讓她們開心還來不及，叫她哭什麼？正好碰上幾個壞人，享受一下刺激的快感，這才叫生活，這才叫人生，怎麼會輕易就讓自己哭呢？就算她哭，也是裝的。

VICTOR ::

結果都算正路既，特別係頭尾。之不過天蠍同獅子放在前面就有點驚奇，真係估佢地唔到。哈，天秤個原因「眼淚是應該在值得的關頭才好用」好爆笑！哈哈。