2209，無了無了。。。就打柴。。。，Diary 都打唔成。

1. 吼！至怕睏睏下俾人叫醒 / 嘈醒，除非係我要起身有野做，唔係千期唔好叫醒我，等我自己醒好過。

咁尋晚阿娘幫細佬寫請假信，咁寫完就當然要 Print 啦，講到明話點樣改封信 Grammar 都會有錯，咁尋晚我睏左之後佢又再改過，今朝佢想印個陣個 Printer 無啦啦唔 Work，咁就走去叫醒我。咁之後我試都唔得，唯有 Restart 部機啦，點知 Restart 完佢要我重新 Install 個。。。頂！阿娘話印唔到就算，之但係已經俾佢整醒左，乜都搞唔到再睏好蝕姐。咁就搵翻隻 Installation CD 出黎，搵左勁耐都搵唔到，真係唔發老脾點叫做 Victor。

搞完一大輪之後再睏過，個陣係 0730，平時就自己醒左，今日病病地，想睏耐 D 姐。

PS. 今次連開機紀錄又中斷，今次係 14 日。想當年幾粒月唔 Restart 既長開紀錄都唔會破到。。。



2. 真係勢估唔到竟然輸左俾幾塊芝脆批。。。真係喉嚨痛，依家吞口水都痛。晏晝食左兩粒夜服裝幸福傷風素，是但啦，當傷風感冒醫。食完之後真係成個人崩潰，完全集中唔到精神，又攰爆。

不過我唔會向呢 D 小病屈服，咁走左去打《Shining Force Neo》，今日已經無被屈死既可能，開始掌握點樣玩了。呢隻 ARPG 暫時都好易玩，可以任何時地 Transfer 翻去 Save Point 同回復 HP / MP，難度因此減低左好多，岩曬我呢 D RPG 新手玩。

玩到 Lunch 都無去煮，整個人就係這個瀕死狀態下淆到 1730。咁去睏晏覺，睏到 2100 起身食飯。咁就差唔多一天了。

3. 咁有 D 朋友仔問我有無事，咁說實在，呢 D 傷風感冒喉嚨痛好少死人既，係會好辛苦姐。

今日阿娘又講左 D 野，咁佢話如果父母下巴生瘡的話 D 子女會較容易病，咁信唔信就各下的選擇。不過真係幾爆笑，阿娘下巴生左粒瘡，咁兩兄弟就病曬。。。

如果大家係病 ing / 病 ed，留意下阿爸阿媽下巴有無生瘡吧。s

4. 哈，好溫書啦，快考試啦。哈，考得唔好就唔可以《小魚滋味》架啦。

好快快手 Reg 個 Account Download D 相嘛，咁可以分享下。有得睇無得食都好過我無得睇又無睇食，話曬都叫望梅止渴嘛，我就無咁既福份。雖知道唔化妝但係靚 + 可愛 (甚至達涼子姐姐級！) 既女仔都唔常見架，你身邊有就幾大都要巴結啦。

5. 我諗全日既氣力都去曬喉嚨度。。。真係攰到我死，成身軟曬。。。家陣係時候要睏了。。。

今日撈左隻《Shining Force Neo》既 Op，叫《絶望と希望》。放左頂頭到，個歌名好正，同我處境差唔多，就係絕望得黎又有丁點希望。

2302，That’s All.