我都唔知點講好了，都諗過講唔講好呢。之但係呢個 Diary 應該無所不談既，咁當然會尊重翻對方啦，知既自己知就算，講完就算。

其實件事尋晚呆釣個陣知。點講都好，有個咁既朋友都應該值得安慰。雖然係好似揚左多少出去咁，但係從語氣上我覺得佢真係拎個心出黎，真係關心對方、亦都擔心另一個佢既情況。Um ... 都唔知係唔係壞事，又多左個人 → 我 → 知道呢件事。

一知道個陣都幾震驚下，乜原來個種事真係會發生。。。一時間佢問我點算我都唔知點算，都唔知有乜野幫到佢。個個 Moment 唔好話當事人本身，就連唔關事個兩個都有點擔心起上黎，但係除左講句「咁點算？」之外都唔知可以做 D 乜。

咁尋晚剛翻到屋企見到佢仲 Online 都想「關心」兩句，但係又唔知點開口，亦都唔知佢戒唔戒意。亦都可能佢唔想人再煩佢，咁結果都係無留低 Message。

佢本身個人應該都幾硬淨，應該無乜野既。不過唔知點解，我總覺得越硬淨既人一崩潰起上黎會幾大穫。身邊有位極硬淨既人崩潰過，所以都知道其嚴重性。雖然覺得佢唔會因為呢 D 小事而崩潰，但係點都會有點擔心佢 (唉。。。自己又多事上來。)。

雖然呢件只係日常生活中既平常事，但係又顯出人既「無能」。也許神特意給佢安排一個考驗，又或者有更好的安排待著你，佢唔會老點既。

Be strong and of good courage; do not be afraid, nor be dismayed, for the LORD your God is with you wherever you go. Joshua 1:9

可能遲下會得到一過更好既消息呢。我都想等個好消息黎，唔知有無我份呢。



這「句」其實真的不錯，永遠是到絕望 (Zetsumou) 既時候就會有希望 (Kimou)。哈，聽歌喇。

依家身邊既人做到既野 → 祈禱。Blessing. 又或者其他野幫得到手既都非常樂意幫手的。

2555，唔知會唔會多此一舉呢。但都真係幾擔心下。呢兩日都未有時間睇 Diary，可能人家根本唔放在眼內呢，哈。

---
終於叫完左個 Year 1，Result 都出埋，其實一路都唔熱衷於這個「大學」既考試，總覺得唔值得我去擔心。咁尋晚都有 D 同學好心急咁 Check Result，甚至打電話叫人幫佢 Check Result。咁自己都係剛剛先 Check，Result 係有多少 Out of My Expectation。

真係一啖紗糖一啖屎，兩個 Sem 裡面拎齊咁多種 Grade 。。。果然 F 左鬼佬果科，不過又好似唔洗 Retake。我終於明白點解 GPA 會唔過 2，一 F 左科就勁易玩完。之但係又俾我係 Workshop 果科拎左個 A+。。。真係眼都凸埋，唉。

不過呢兩科有咁上下既 Grade 都係 Expectation 之內，但係虧佬果科同 Internet Programming 我覺得唔止呢個 Grade 囉。其實後者個 Grade 其實都 OK，不過前者真係估佢唔到。都唔知佢點俾分，真係想笠笠佢。

其實 GPA 呢家野真係好有趣，要過 3 唔難、低個 2 都一樣唔難。只要有科 A / F 就足以影響大局，所以呢。。。其實呢個都只係一個遊戲，最緊要開心喇都係。今個 Sem 都差 D 唔過 2，好彩有個頂爆拉得翻。

2455，其實唔係想講呢樣，反而係另一樣野。

---
哈，講翻尋晚呆釣之行。咁係大隊集合之前就同西環環友食 D 野打底先，我覺得呢個決定非常正確，遲 D 講點解。咁阿環友幫手搵架船，搵完就當然上船啦，之不過見船上係得張枱，其他「夜釣裝備」都唔覺眼有，大家都開始有點疑惑。之後再爆笑 D 就係有人問船長係咪釣墨魚，船長答唔係！？OMG，跟住就打電話問翻間旅社再同翻船長講，原來好似係旅社 Book 船個陣無同船長講係釣墨魚呢，奸啊，呃人。

咁解開左呢個疑惑之後，船長黎料啦，元氣怨念爆發。佢話基本上係無墨魚釣，以前係有，依家係無。由頭到尾都唔係多。不斷不斷的怨念轟炸，個個 Air 真係死到爆，之但係有 D 同學仔 Balance 翻個 Air，有點兒似係開解個船長咁。不過最記得佢係話無墨魚釣個下講得好 Firm。

去到地點之後呢，其實都幾呆釣 Feel。So Far 係出現過兩條墨魚 + 一隻蟹，最後收穫就係一條墨魚 + 一隻蟹。另一條墨魚上釣後竟然噴墨嚇個釣，咁個釣就鬆懈，條墨魚就逃脫左了。其實隻蟹都幾慘，係船既一邊俾人夾攻完之後游到船既另一邊，點之都係俾人夾攻，最後仲俾人釣埋上黎。。。一隻蟹得翻幾隻腳都咪話唔慘。。。

食物方面都還可以啦，餐具方面隻碟都用 D 幾「高級」既膠碟！？仲有個膠夾用黎夾野食！可惜風高浪急，隻船都幾「浪」下，都無乜胃口食 (唔關我事，我無乜所謂，只係唔想食。) ，所以打底係有用架！

咁結果就係 0000 咁上下落船，咁再繳款大約 0015 散水，本來都有 6 個人食下宵夜糖水咁，但係都真係夜，咁大家都要趕尾班車咁大家都係早 D 走好。之但係沙田田友本來想趕尾班火車，點知行到去都係趕唔到。。。結果要坐兩粒鐘車程既巴士。。。唉。。。你唔好彩了。

咁就剩翻三位港島區區友，分別有南區代表、西環代表同太古代表。三個人都係翻到去銅鑼灣先宵夜。咁去左世貿對面間發記食，其實都還不錯既。

但係有段小插曲，就係有隻小強由街走入間鋪頭度！我都幾肯定係走入黎的，點解？因為直覺！！咁隻小強一路爬，D 人一路避，到我地坐個張枱就開始掉頭。之後堅啦！有個女店員踩中左隻小強，力度剛剛踩到隻小強癱左。。。高手啊。。。咁有個男既執左佢再 Dump 左佢就當無事發生過。

PS. 其實個位女店員都好似幾掂下，著低腰 + 背心，都不知幾 Sexy。

咁之後都一路吹水吹水，由 0100 吹到 0250。呵，吹水既野有幾難，同我實有野講既 (或者我地) ，只要大家夾既話就無問題。兩個鐘既吹水時間唔算長了，差唔多次次同佢或者阿沙田區代表幾個吹水都係咁上下時間。哈，係咪有 D 唔夠喉呢？

吹水既內容好多都係「秘聞」，哇咔咔，係 Diary 禁止連載。不過有 D 都講得既，這個首尾呼應「情到濃時 …… 就當然係係張床度啦！」。話時話，太古代表都幾有口德，「撲實」，一個不錯既詞語。俾著某某就會話「個隻野。」又或者更衰既會有 D 類似「咁樣衰既。」，哈哈，大家明既。

PS. 1. 到呢一刻都未有時間睇過任何一位既 Diary，唔知會唔會真係呼應我呢。

PS. 2. 其實，西環代表講個 D 野何嘗未諗過呢，咪睇我好似好理智咁，事實上往往都係被「情感」所影響，唔通真係唔理佢咩。

咁呢本來有多少唔夠喉想轉移陣地到維園再吹，但係西環代表話夜，咁大家就散水。送左太古代表上車先，不過就真係有點兒那個。。。竟然唔清楚有乜車翻得到屋企，哈。咁之後西環代表又上埋小巴，剩翻我孤零零一個等巴士。間 N72 都幾疏架。睇住西環代表係間小巴上面個種心情都其實幾崩緊下。。。

咁就完晒成個活動了 ~ The Time Now Is 2346.

等我再打埋另一樣野先。

---
2149，食完晚飯，算補翻個 Sleep Debt 了，其實都係岩岩起身無耐。。。

1. 一開始又整張爆笑圖先 ↓



哈，今日睇左集《Keroro 軍曹》，一樣咁搞笑，就快睇完 Season 1，依家睇到 44。咁就睇埋《甲賀忍法帖》，這個呢。。。為情所困既女仔真係可以好白癡 + 變態。小四郎好慘啊。。。突然有個 Moment 唔想再睇落去。。。朧好唔掂啊。。。

2. 今天光明與黑暗之旅遇上超勁敵。我諗都要出最強既道具 → 光之護符，可以有一段無敵時間。這個 Devil Boss + 龍族大晒冷兩關勁難打。。。兩者都係勁屈，攻又強、守又強、又多 HP，點打啊。。。唔通要我操 Level 去打佢！？唔好啊嘛。

3. 咁呢。。。結果今日都無睇醫生，今日都好晏起身。0500 睏到 1515 起身，咁食個 Breakfast + Lunch + Tea + 打陣機就由 1815 睏到 2015。

2100 開飯，唔講都唔醒起今日端午節，咁係屋企做節，今餐都幾豐富。咁所以都唔想好似平時攤到凍晒先食，所以都唔做其他野，一路睇住 Keroro 一路食。

病情係有好轉到，可能睏夠 (其實平時都睏得好夠。。。) ，不過都係睇睇醫生好，發誓聽日睇！！

2210，今日既 Diary 就係咁多，等我再打埋尋日既 Diary 先。