2148，嘩。。。好辛苦，聾緊邊。

1. 今日見過我 / 同我 Chat 過既人都知我今日左耳完全聽唔到野，咁呢到呢一刻隻左耳都係完全聽唔到野。睇過醫生，醫生話正常既，點解正常？

本來係有多少耳鳴，咁佢開左 D 耳藥水俾我滴去化一化左 D 耳垢同耳油，咁 D 藥水就同 D 耳垢耳油混埋一齊，咁就塞死左個耳窿，佢仲話 D 耳垢癡住晒個耳膜。咁問佢要幾耐先化得晒，咁佢就話可以成個禮拜先好。咁都無計了，都要繼續滴藥水化耳垢。

咁今日下晝睇醫生個陣同佢講有 D 暈，咁佢就黎多少「架撐」幫我撩一撩 D 耳垢。由於唔係耳鼻喉專科，佢都無專用工具。佢之前仲好嚴重咁同我講話萬一痛啊、唔舒服、覺得唔對路就同佢講，真係勁搞笑。咁之後撩完都通左 ~45 mins 既，好快又塞左。

PS. 耳垢 = 耳屎。。。

2. 今天繼續「盲拳打死老師傅」，今天的雀局贏翻上次輸左既三餸車仔麵，仲贏多個翻黎添！今日贏左 $31.5 翻黎，俾翻廿蚊夾麻雀板 + $13 既 Lunch，今日計埋車錢都係 $10 內，抵玩。哈，依家終於知道邊個係旺位啦！！

PS. 可能坐個個位高度唔岩，依家右邊膊頭有 D 痛痛地。左邊咀角 D 飛滋好翻，今次到右邊咀角生飛滋。

3. 哈，妳好快 D Check 下啊！睇下妳有無 ...... 呵呵呵。坐 B 望 C，我話既，一諗起呢就即刻 ...... 呵呵呵。快 D 讀書喇好，妳今日好彩啦，我岩岩翻到屋企妳就 Online。游水！！一齊去游水啊！

Miss You.

4. 非常好，下個禮拜 Creative Media Interview，今次真係不容有失呢。真係要做下 Rehearsal 先得，又係時候搵老師傾傾了。有 D 問題都知佢實問，但係仲未知點答，就咁問「BACM 同 BScCM 有乜分別，你會 Prefer 邊個多 D」咁已經唔知點答好。

另外原來 Summer 開班個班名係 Digital Photo Workshop，有廿幾三十人到，好似比我預計多左少少咁，要係 June 25 前整好 4 堂既 Notes。要諗諗教乜好，初步諗過 Lesson 1 係教晒 D Basic 野，咁之後再教其他 Non-Function 既技巧，即係唔係就咁 Click 個掣出 Effects 個 D 野。最後一堂就偷教 Photoshop ~ Yeah ~

5. 本來擔心既野依舊擔心，又有新既野擔心呢。大家一定要 Cheer Up 啊！咪衰俾人睇！

PS. 有 D 朋友仔呢，遲又要講早又要講，但係諗多兩諗，應該佢地唔問到就唔講。當年遇上其他問題既時候自己都係用呢個方式。

2235，聽唔到野、頭痛、頭暈、流鼻水、有痰，所以要早 D 睏。That’s All.

---
1808，頂。。。又塞過。。。

---
1805，睇完醫生無耐，依家聽得翻 ~ YeaH ~

---
1645，I can’t hear anything …

---
1111，我仲係聽唔到野。。。唔得下晝先睇，等多個下晝睇下點。

---
0530，我左耳完全聽唔到野。。。