2345，好眼睏好忙啊。。。打埋 Diary 睏覺豬。

1. 今朝整完批咁十萬趕急碌出街同朋友仔打下牌咁，咁呢，已經係幾年黎第二次到利東村。上次唔記得講，咁實會路經幾間學校既。

第一間就經過真光書院 (個名係咁上下掛，太多間。) ，違憾既係考緊試定放緊假，唔見有學生妹。間學校最搶眼就係個 D 「壁畫」，有 D 都畫得幾得下，另一樣野就今日先發覺既就係真光個學校範圍都唔算太細 (不過都係細)，原因係個 Site 係長條形，另外成間學校有一面都面向海景，都真係幾正！

第二間就係母校 → St.Peter 小學，間學校都無乜點變，係門口有好搶眼既「耶穌愛我」，係天主教學校。據我所知，有 D 教過我既老師都仲係間小學到教緊。

第三間就另一間 LMC，無乜特別。最特別咪 D 學生去晒老麥打 Dun。

2. 咁上到去坐陣就開枱，今日一開波贏左十幾蚊，點知之後輸翻晒出去，有幾點都幾爆笑下 ↓

．咪帶散錢啊，輸死你啊。
．一唔播片佢即係食唔到糊！
．咁大動作？又唔係食糊。。。嚇嚇你唧
．嘩，打左兩 / 三隻 X 啦，唔打食左九世。
．自摸！食啊！

最尾個鋪都爆笑，個個起手副牌都好靚，好似搶住食尾糊咁。呵呵呵，尾糊係我食既。不過無用，今日成日都無賺蝕，都係咁多本。

3. 咁散水個陣見到 D OK 得既靚姐姐喎 (一樣啦，其實係妹妹黎。) 。這個旗袍真係好蝦人！靚既著得會更靚，唔靚既著得會更唔靚 (廢話。) 之但係點間真光唔多覺 D 人紮馬尾既？！紮孖辮？！說實在，可愛既都變得唔可愛，唔可愛既會變為嘔心。點解要咁做呢？

話時話，LMC 都無乜靚姐姐既，非常少，少到唔多覺。。。

4. 講下個批啦 ↓

首先，係貼好個 Manual 先。。 ↓



之後切牛油 + 準備麵粉、砂糖、鹽，咁好快手就搓到佢一舊野，之後拎去雪櫃雪雪佢 ↓



PS. 係Unsalted Butter，之前打錯左。

洗蘋果 + 切蘋果，黎個全家福先！ ↓



兩小毛搓係度鴛鴦戲水，可惜難逃一切既命運。。。 ↓



加糖搞均 + 落餡，又拎去雪一雪，之後拮窿揸蛋黃水焗得 ↓



完成品 ↓



由於時間關係，唔整得靚，而且第一次整都係試下，都由得佢。面頭燶左既係砂糖黎，散得唔均呢。個批個樣 OK 既，但係個爐就 ↓



清理左勁耐先搞好，阿娘又 EEOO，不爽。呢 D 唔係輕敵，係無經驗。

不過有 D 咁既朋友仔算係咁，我都知出事架喇，不過都好俾面每人食啖。落左食包糖，當然係甜到死啦！呵呵呵。如果有下次都係整翻 D 正路既野算。。。

5. 遲就遲少少，不過都 Happy Birthday 啦，肥仔。唔好又話我潤你，上年既今日 ↓



PS. 其實個晚想講既係「大家都覺得你兩個咁耐都未散既，個個都散晒咁，我地跌晒眼鏡。」哇哈哈。

2506，真係攰到我呆晒。。。Hugging Please ~ 。That’s All.

---
0724，起左身 lu ~ 整批！哇咔咔。

晨早就同阿娘黎過爆笑先。

娘：「你拎個舊野「發」咪得。」
仔：「用個舊野嘛。」
仔：「咪住，你講邊舊野啊？唔好懶有默契好喎，我地有代溝架喎。」
娘：「打蛋器當然要啦。」
仔：「我話用電個個。」
娘：「咁又唔洗用個個，你唔識用。」

呵，呢期同人有代溝，都係講得清楚 D 好。說實在，不知幾期待用電個部打蛋器。

1034，唔係好攰，係好熱。。。家下等焗個批，真係要吹陣。。。預計 50 mins 後完成。

1111，好大陣蛋味啊。。。D 蛋黃水唔夠稀。。。啊。。。變左蛋批，哈哈 ~ 仲有 D 多到流左落個焗爐底。。。唔係要我抹嘛。

1116，其實個 D 流出既黎既係蛋黃水定蘋果水？！

1126，Um ... OK Big Bang，個爐底 “Lon” 左。。。翻黎要清理一下先得。。。