0708，有多少暈眩。。。唔理得咁多，繼續打！呵！

1600，回家約十多分鐘。。。好攰啊！！

2053，每個禮拜一夜晚都好忙咁睇電視，所以要開始散 + 慢打 Diary，開始！

1. 今朝老早起身寫埋個 Digital Photos Workshop 個 PHP，依家完成左 Registration、Login / Out、Edit Profile、Feedback、Take Attendance。遲下應該會打埋個 Downloads、Uploads 同 Forget Password 咁就大功告成。

今日寫到 1220 先停手梳洗出門口碌翻去學校，咁諗住去 Office 簽埋份 Contract，不過份 Contract 未準備好？！我都唔清楚了。本來約左班學生 1235，但係 1255 都未搞好份約，咁就去 Rm 105 啦。去到發覺空無一人？！唔係走晒嘛？！咁有幾個低 Form 同學仔，問佢地之後先知 D Form 1 / 2 仲未放學，都好 D。

之後有其他老師入黎搵我，咁佢又幫手搵下 D Form 1 / 2，Firm 左係未放學。咁等左陣就有 D 學生到。總共 8/28 個到。都係遲放的錯！咁好順利咁完成左個 Meeting，咁就散水。

不過原先諗住今日等 D 學生 Create 晒 Account 等 Day 1 一黎就可以入正題，可惜有點阻滯咁，算吧。

PS. 1. 竟然有一群 Form 3 女學生入左甚麼寫 Game 比賽！？估唔到學校 D 人咁堅啄。另外非常感謝某位同學借個 Account 等我 Login 上下網等下。

PS. 2. 又見到 SB Wong，唔知 BB 1 號同 BB 2 號點呢。

2. 1330 到簽埋份約見埋校長咁就散水，係巴士站見到舊同學 (其實依家都算同學掛。哈) ，吹左陣水到達今日第二站 :: 理髮店。天氣真係熱到呢。。。見頭髮長長地就去剪頭髮。其實想剪好耐，不過之前見隻耳仔岩岩聽翻野就費事剪住。

去到坐陣就去洗頭，個陣老闆娘問大學幾時放榜。噫，我又細緊歲，佢當我今年考 AL，不過都好過考 CE 既。咁跟住又問有無搵 Summer Job，當然有搵不過搵唔到啦。佢講左 D 野令我覺得有 D 料到，佢話搵 Summer Job 搵翻同自己讀個 D 有關既野有著數，設計又好、電腦都好。咁清楚我既？！

跟住老闆剪頭髮個陣話見到細佬剪左個碎尾 (即係 MK 頭) ，佢又講左 D 野令我覺得又有 D 料到。佢問細佬剪個碎尾頭翻到屋企阿媽咪有無話要再剪過。咁當然就有啦！

所以話呢，有經驗既師傅唔單止知道你乜野髮型好睇，而且知道你應唔應該剪個個髮型。好明顯，細佬唔應該剪個 MK 頭。全家極力反對。師傅唔係唔識剪，係費事同你剪。下次翻去師傅到剪啦，兄弟。

依家非常清涼 ~ 爽啊！

3. 1500 行到出香港仔，去左肥肯買 Lunch 食。今日個 Lunch 食左我 $28。。。$15 Tea Set + $5 薯蓉 + $8 雞肉紫菜卷。話咋，都真係幾貴下。平時食既話就薯格 + 薯蓉 x2，都唔洗 $20，汽水就屋企有。

咁排隊買野食個陣發覺個段時間有好多公公婆婆，年紀大，D Part Time 收銀員無經驗定同 D 公公婆婆有代溝，都快左好耐時間排到我。不過我掛個個 Counter 個位收銀員都好有禮貌，不錯。

4. 今日睏左陣晏覺，1815 – 1950。之但係睏到 1845 有多個奪命追魂 Call，起碼響左 5 次，嘈到我醒左。以為有乜緊要事搵我搵得咁急，原來係阿娘打電話翻黎細佬係門口到無帶鎖匙。。。

啋，鎖匙都唔帶帶手提電話，佢係得既！無啦啦嘈醒左當然就火起啦，不過太眼睏，開完門之後再睏過。

5. 好耐都無見過涼子姐姐了，呢張就係近期佢既相 ↓



好可愛啊，下季月九時段就有涼子姐姐產後復出第一套劇《Slow Dance》，非常之期待呢。另外睇左《Our Music 2》涼子姐姐做 Guest 個集，巧正！



2357，其實講開涼子姐姐就諗起一 D 野，不過都可能係大 Point，留翻無野講個陣先講。真可惡！禮拜一夜晚勁多野要睇，《Jamie’s School Dinners》→《CSI》→《Lost》。That’s All.