2321，係呢個死 Database 既時間就打 Diary 先。

1. 到左今日，終於發覺終於 M 到，都維持左好多日情緒高漲。真係好易發老脾，心情開始低落。唔知係咪尋晚睏得唔好，晏晝個陣好炆。唉。。。都無心機回你。

不過我覺得我地好似相隔遠左，開始覺得我倆之間有隔漠，開始覺得好難再 Keep 住段關係。下下 Chat都係個句「你呢期點」。咁我呢期咪又係咁，成日都係得我講我點，你又好少講你點。

唔係話 Chatting 時間唔夠，但係講來講去都係個句我會覺得悶，就算幾熟幾 Close 都係咁話。你知啦，我不嬲都唔鍾意太表面，想講 D有「意思」D既，唔想下下 How are you - Fine thank you。雖然我知你忙，但係都唔洗下下咁。

晏晝無心唔覆你，不過個陣心情係最爛個點，況且又用翻用唔慣既 MSN，睇唔到你個 Message，所以咪無講到。

不過點都好，如果要維持段關係就真係需要大家努力。We seem so far away, guess who moved? 我諗大家都有郁過，不過邊個郁得多 D 就真係唔知。真係唔想就咁就無左段關係，我會覺得可惜。

其實你令我有多少 frustrated，我唔知可以點同你溝通。講完一大堆野之後你就 haha 完左個個話題。咁久而久之我都唔知可以講乜野，問題係你永遠都唔唔會講你既野我知，我知你既野就係日日都好忙，That’s All。我唔想估你，越估越覺得自己係傻仔，不過你唔似咁既人既，只係我敏感唧。

2. 終於打晒 Day 1 既 Lecture Notes。。。嘔晒血。。。聽日要打好一半 Day 2 既 Notes。。。Jul20 好快到。。。仲要拎出去影印添，最遲今個禮拜六要整好晒 Day 1 + 2 + 2.5 既 Notes 先得。唔係真係趕唔切。

呢個時候又係祈禱既時候，希望 D 小朋友乖 D 靜 D 開朗 D 易教 D。最重要係 Spot 4，我乜野都放晒上網 Download。

3. 正當我想寫原因既時候想問下人點寫，得出以下原因 ↓

．我唔信我自己考得咁差﹗﹗
．諗唔到ｗｏｒ兄弟．．都係理直氣壯咁話「我唔信邪」
．我相信我無理由咁低分

睇都可能唔全神，當諗翻佢地用乜野語氣、態度去講出黎既話真係好爆笑。真係好頂癮。仲要理直氣壯個下先爆笑。

4. 今天晚上死 Database，係橙死。。。原因 ↓



死左成粒鐘，仲要唔知係咪我問題喎。不過 Host 個邊都好快有 Reply，E-mail 去唔洗 1hr 就覆。所以個 Server 係 US 都繼續用。

5. 原來今年學校 AL 係考得非常非常好，特別係 Econ，廿幾個人考，有 6 個 B、8 個 C。。。除左學習氣紛唔同、同學勤力專心程度唔同之外，最大問題都係老甘同雪櫃既分別啦。上年我記得 Credit 既得 2 個定 1 個，真係勁頹。。。

2610，沖涼睏！That’s All.

---
1011，OMG，個頭好痛。。。夜晚睏覺個陣已經好痛，係痛到醒左，但係太眼睏咁就一路痛一路睏。。。07 起身食止痛藥，食完之後係好左，不過翻睏之後又差左，又痛過。啊。。。

睇怕都係頭未乾就睏之過。。。

PS. 巧勁啊。。。不用睏乎？咁早起身！？