1633，岩岩睏醒，我好似病病地。。。

2249，今晚又出左街食飯。。。

2330，開始。

1. 今朝既活動就係 → 打機。

尋日終於俾我出到伊迪安炮！不過無想像中咁堅啄。



我今日再一次感受到點解 D 人話《2nd Alpha》正囉，原來積加大叔真係好熱血！刃馬一體！！



最後，這個 King J Der 真係好好火力！型爆！！



PS. 呀。。。今天俾人聽到我打機，我都開得好細聲架喎，咁好耳既佢。。。

2. 打完機無耐覺得攰攰地，去睏晏覺。好耐無睏晏覺了。。。點知 1300 一睏睏到 1600 左右，仲要唔開冷氣係間房侷侷地幾好睏。不過可能侷既關係，我睏到有 D 暈暈地，起身都覺得有 D 頭重腳輕。。。

PS. 我間房隻鋁窗有 D 鬆脫既 Feel 咁，都驚驚地。睇怕要學 D 阿婆搵條繩綑住隻窗先得。

自己煮完 Lunch 食埋洗埋碗坐陣，阿嫲打電話上黎屋企。個陣都無為意，咁到 1915 個陣有人按門鐘，諗住剩係阿嫲上黎，點知連姑姐 + 表弟 & 妹都黎埋。佢地由美國剛回來。我同細佬都嚇一個大突。。。

我認得佢地既，細佬就唔太認得。咁再等埋阿娘翻屋企就出左去香港仔既嘉年華食飯。咁呢，成家人都係第一次到個到食飯，平時都係銅鑼灣食。去到阿娘唔慣個 D 點菜紙，呵呵。

個間酒樓做到「平、靚、正」，味道都叫 OK，又夠大碟頭，真係食到爆晒肚。十餸 + 六點心 + 三飲品，七百幾、八個人食，都幾 OK 架喇。

3. HD vs AD，今朝講漏左 ↓



其實我覺得 3 年係幾長下，但係都係個句「興趣行頭」。其實兩個科真係差唔多，咁就換了方法去幫人想，試下聽對方對話既語氣 (好似好 Pro 咁架)。

講過故事先，咁上年 Jupas 我曾經問美術老師話我想報 Poly Design，仲要唔止問過一次。咁佢就講左類似咁既野「其實你講左幾次，你自己個心都諗住去報，依家你只係差個信心。」。

咁同依家 HD Vs AD 有乜關係呢？其實講完 HD & AD 既優點之後都例牌講句「其實最緊要係你有興趣。」。咁再問埋戒唔戒意 3 年時間長，個個 Moment Feel 到其實佢自己都有一個 Answer，只係差點信心「去馬」。咁概然已經有答案，做乜唔去做？

其實 HD / AD 都好，讀得好好地，出路都一樣咁好既。呢 D 野唔重要，老頭子咁岩聽到就好爆咁講左句「女仔大不了咪嫁左去算。」。所以最重要都係搵翻個伴，早 D 結婚生仔 / 女，咁我就認佢地做契仔 / 契女。咁就可以同佢地玩「Fi-sh Fi-sh」。哇架架。

PS. 1. 還是那一句 → 做了便不要後悔！也許會有好多人話你個選擇係錯 / 咁揀係好蠢，但係你可以大膽同佢地講「這是我的決定，我唔會後悔。」

PS. 2. 其實樓上段 Message 係咪應該等佢未做決定之前講呢。。。依家先醒起會唔會衰左 D。但係我覺得佢既選擇都無錯的說。

2509，坐下坐下就成點鐘，聽日可以見到肥仔！呵！That’s All.

PS. 哇哈哈，我又做左煩人 ~ Yea ~