2131，今日試下以時間既方式寫 Diary 先！
0800，呢個時間起左身，都係同唔到阿娘串下咀，睇下朋友仔既 Diary 再搵齊裝 Windows 必須既碟之後就出門口去人地個妹既屋企。
0945，去到目的地，開頭諗住剩係得人地阿妹係屋企，點知人地老豆都係度，仲問我食左早餐未。如是者咁 DL 翻必須既 Drivers 落我部 iPod Shuffle 到先，見到佢部電腦張單原來係 CentralField 買的。咁阿妹仲過緊 Files 落去唔會 Format 既 Drive 到。
1010 竟然 Ar Yan 係呢個時間 Online @ Uni，閒談左陣咁。之後人地媽咪出黎打左個招呼。噫，成家差唔多係晒屋企喎。正如 Ar Yan 話，真係好好客，問我食唔食早餐 & 開左始飲品過我。閒話幾句，講下係邊度讀咁。就係呢個 Moment，人地媽咪爆料話 Jupas 放榜個排 Ar Yan 打左幾個電話翻屋企話 XX 入到大學，人地媽咪話個女仲開心過當時人咁，真係呢，哈哈。
PS. 妳咪一樣大學生，仲要 New Zealand 有名大學添！
人地媽咪再爆料話呢排 NetMeeting 唔到，Ar Yan 就係咁打 Long Distance Call 翻屋企！原來佢地一個禮拜最少見一次面的！
咁好快趣就 Format 左 System 個個 Partition，之後就裝 WinXP Pro w/SP2。我呢隻係台灣繁體版，呢一兩日用 EMule 撈翻黎，托賴都用到隻碟。裝既過程好悶，又無開電視，我又無買雜誌睇。人地阿妹悶到睏著，我都悶到呆晒。。。
1105，Install 完個 Windows，開始 Install Applications。咁到上網 Enter UserID & Password 既時候，人地阿妹不停出出入入間房，就算個 Password 唔記得抄低左都可以拎出黎睇唧，無理由又出又入。過了一會兒先知道原來人地大妹都係屋企。。。真係一家人熱烈咁歡迎我。
與此同時，人地媽咪同人地老豆落街飲茶，仲誠意拳拳咁叫我整好晒落去飲茶。但係我呢 D 怕醜仔又點會去飲呢。話時話，人地媽咪應該唔記得我係邊個了，想當年呃左人地個女，呵呵。
弄了約 5 mins，上得翻網。咁再 Install 埋 Anti-Virus & Firewall & Office 以及最重要既 MSN Messenger 7.5 就搞掂晒。花多少少時間同人地阿妹講下 D 新 Install 既 Software 點用咁就走得。
PS. 終於整好晒，Ar Yan 應該以身相許作為報答啦，哈哈。
1210，離開人地屋企，行左去老麥買 D 野食，Counter 有位 Part-Time 好得下，不過就算幾得都應該只係 Form 5 / 6，細我好多。但我拍埋去又同我差唔多大咁，看來都係我 Baby Face 吧。
1235，翻到屋企仲未見細佬翻黎，仲諗住問佢洗唔洗買佢個份，佢應該晨早游完水翻到屋企再出過街。首先食左個麥香雞，之後再食個孖芝，但係食食下想嘔。。。結果最後個啖唔敢吞，怕吞落去即嘔。見到《逮捕令》出左 38 集，咁就 DL 埋佢！
1330，趕住刷牙，搞左成 15 分鐘，好認認真真咁刷，再用埋牙線慢慢撩，最後用李斯德林漱口水漱埋個口就出門口。
未出門口個天都好地地，點知一出就落大雨，仲要落一場好大既過雲雨。。。這個晏晝都幾多人出銅鑼灣喎。咁出左隧道口就落車，行去灣仔牙科診所。
1430，去到診所，本來想去個洗手間先，咁要用鎖匙開。咁去登記個到拎左鎖匙，點知去到洗手間門口發覺開唔到。。。咁又夠鐘喇喎，咁唯有 Check 完牙先去。
等左一陣間就睇得，一黎那位上年紀的女牙醫問我有無糖尿 / 高血壓 / 心臟病。答完之後佢就同我解釋點解會問，原來有時牙醫會用上止痛 / 麻醉藥，用係 Mock 牙 / 補牙。咁有幾種麻醉藥，牙醫最常用個隻就會令血管收縮，咁有頭先講過個 D 病既時候就要同牙醫講翻聲，等牙醫換個另一隻藥。
咁漱過口就開始 Check 牙，咁問我有無照過 X 光睇下有無智慧齒，當時就話好耐之前 Check 過話無。咁睇睇崩牙，中上 0、中下 0、右上 0、左上 0、左下 0、左後右後 0、右下 2。哇哈哈， 0 即係話話事，但係右下就出事，仲要蛀左 D。牙醫同個助手講「係 Capacity 黎，要補牙。」。
咁好快咁補翻隻牙仔，之後洗牙，途中牙醫話我刷得好乾淨 ~ 佢話滿意！咁再講翻智慧齒既事，咁我都唔記得係咪真係 Check 過無智慧齒，咁都講翻話去照一照大頭相睇下有無智慧齒。咁就去照 X 光，之後坐陣等牙醫再見我，咁 Check 到有 3 隻智慧齒，智慧指數係 3 隻牙仔 (Max. 4 隻)！咁正路 3隻牙仔會健健康康咁生出黎，唔會打橫生，應該唔洗 Mock。
最後我今年 20 歲，免費牙科檢查 21 歲就無得睇，咁就 Book 左下年 July 睇埋最後一次，如果 D牙生得唔好都仲有時間去 Mock。
1520，離開診所，走之前想去個洗手間，咁岩度門無鎖，咁就入去，呵呵。走個陣見到數隻大黃蜂係附近，好驚，速速離開。咁走個陣其實好好 Feel，途人唔算多，隔離就好多車。灣仔、中環，真係令人好著迷呢。
行到橋底上巴士，見到個女仔著得好火辣辣下。呢個唔係重點，重點係佢坐到成個「蝦人」咁。乜野叫「蝦人」，即係坐到成隻蝦咁縮埋，搵個膝頭頂住個椅背。咁坐佢前面個個就似坐按摩椅咁，真係勁剋人憎。有人話 D 人生得高就會咁坐，我就話係 D 人無公德心就會咁坐！！
1610，翻到屋企，咁人一生總會有些事係一定要自己獨個兒去做，朋友、屋企人陪唔到你，唯有神與你在一起。咁我呢期要打幾個電話問 D 野，幾日都無決心去打，今日翻到屋企個刻突然好有決心去打電話問。
問左 Student Financial Assistance Agency 問轉左科之後 Loan 既問題、再打另一個電話問埋 Poly Web Ordering Notebook 既事宜。本來想打電話 Cut 埋個 Animax，但係個 D 無人接聽電話總係令我無所適重。。。結果都係 Cut 唔到。
1635，咁就開始打機，一樣係《3rd Alpha》。是日精彩貼圖 ↓
Zeora 真係好可愛！
呢 D 就係小男人了，哈哈。
呢個 Q 版真係好得意。
打完機戰打陣 Winning 咁。
1935，阿娘翻到屋企，咁終於有機會同阿娘串下咀咁。咁 Poly 寄左封信黎話會 Refund 翻 D Registration Fee 過我！？同阿娘研究左好耐，我覺得係有得 Refund 喎！
咁再之後阿娘就問到 Notebook 既事宜。咁呢，阿娘就建議買 S7021，個 Mon 大 D，做起野上黎都方便 D。咁依家建議買 P7010 同 S7021 既人都差唔多，其實自己都諗掂。有無 D 做緊 Design / 識人做 Design 既可以分享 D 意見給我呢？Thank You。
原來 Web Ordering 都要翻 Poly 俾尾數。咁同阿娘研究過，都係唔好 Web Ordering，直接去 Road Show 買就算。反正佢 Sep 12 - 25，仲要開到 2100，真係方便到呢。不過就要搵翻時常掛念的肥仔幫我先得，要搵日佢放夜既再買埋就 Perfect！
再之後之後同阿娘講起開 Credit Card 既問題，結論係叫我自己開，佢唔開附屬卡俾我。咁卡數叫我自己因住，咁佢都會幫我找，呵。
再之後之後既之後就食飯，今晚我係食 Pie & Tart 賣既 Apple Pie & Potato Paste + Corn + Ham Pie，再食兩個大 Pears 就一餐了。
PS. 「之後」呢個 Term 好熟，擺明係抄人的，哈哈。
2005，睇《Keroro 軍曹》第 71 + 72 話。但係睇到咁上下先醒起，係喎，今日係禮拜五，做 Super Nanny。又 Miss 左，結果睇得 20mins 到。這個呢，今集係 Season Finale。。。呀，走寶了。
下個禮拜就做 The Amazing Show，睇下吸唔吸引先再考慮追唔追。
2315，剛打完 Diary，咁就一天了。係咪好詳細 + 好長呢？所以都唔 Highlight D 字了。
PS. 在此為肥仔祈求有個快快樂樂的 Camp Camp。哇哈哈，我要等你翻黎再組飯團啊！！
2345，等沖涼。。。去左打陣 Winning，狀態仲係咁 Fit。由於太無聊，要搵人閒聊。今天就找了 Form 2 的 SiuKaz，說實在，她非常爆笑！做妹都唔錯。
2505，沖完涼，屋企無晒牛奶，但係有豆腐花食，食完就覺覺豬。That’s All.
---
0830，這個呢。。。好忙。今日上半晝會好忙。。。
有個計劃，今次是正義的計劃。話說大家可能有需要有個 Web Space 去裝 D Pics / Docs 放係 Xanga 度，諗過不如寫 D 野出黎等大家有個類似小小既 Web Drive 咁好唔好呢？
PS Avril - Complicated.
1242，剛翻到屋企，整左成朝終於搞好。其實人地部機唔慢 (粒 U 仲快過我用緊個部) ，只係欠保養唧。至爆笑就係連個變色 Mon 到我整到半路都正常翻。
詳情今晚先講，依家趕住食 D 野就去洗牙，我要牙醫讚我刷得乾淨！
0800，呢個時間起左身，都係同唔到阿娘串下咀，睇下朋友仔既 Diary 再搵齊裝 Windows 必須既碟之後就出門口去人地個妹既屋企。
0945，去到目的地，開頭諗住剩係得人地阿妹係屋企，點知人地老豆都係度，仲問我食左早餐未。如是者咁 DL 翻必須既 Drivers 落我部 iPod Shuffle 到先，見到佢部電腦張單原來係 CentralField 買的。咁阿妹仲過緊 Files 落去唔會 Format 既 Drive 到。
1010 竟然 Ar Yan 係呢個時間 Online @ Uni，閒談左陣咁。之後人地媽咪出黎打左個招呼。噫，成家差唔多係晒屋企喎。正如 Ar Yan 話，真係好好客，問我食唔食早餐 & 開左始飲品過我。閒話幾句，講下係邊度讀咁。就係呢個 Moment，人地媽咪爆料話 Jupas 放榜個排 Ar Yan 打左幾個電話翻屋企話 XX 入到大學，人地媽咪話個女仲開心過當時人咁，真係呢，哈哈。
PS. 妳咪一樣大學生，仲要 New Zealand 有名大學添！
人地媽咪再爆料話呢排 NetMeeting 唔到，Ar Yan 就係咁打 Long Distance Call 翻屋企！原來佢地一個禮拜最少見一次面的！
咁好快趣就 Format 左 System 個個 Partition，之後就裝 WinXP Pro w/SP2。我呢隻係台灣繁體版，呢一兩日用 EMule 撈翻黎，托賴都用到隻碟。裝既過程好悶，又無開電視，我又無買雜誌睇。人地阿妹悶到睏著，我都悶到呆晒。。。
1105，Install 完個 Windows，開始 Install Applications。咁到上網 Enter UserID & Password 既時候，人地阿妹不停出出入入間房，就算個 Password 唔記得抄低左都可以拎出黎睇唧，無理由又出又入。過了一會兒先知道原來人地大妹都係屋企。。。真係一家人熱烈咁歡迎我。
與此同時，人地媽咪同人地老豆落街飲茶，仲誠意拳拳咁叫我整好晒落去飲茶。但係我呢 D 怕醜仔又點會去飲呢。話時話，人地媽咪應該唔記得我係邊個了，想當年呃左人地個女，呵呵。
弄了約 5 mins，上得翻網。咁再 Install 埋 Anti-Virus & Firewall & Office 以及最重要既 MSN Messenger 7.5 就搞掂晒。花多少少時間同人地阿妹講下 D 新 Install 既 Software 點用咁就走得。
PS. 終於整好晒，Ar Yan 應該以身相許作為報答啦，哈哈。
1210，離開人地屋企，行左去老麥買 D 野食，Counter 有位 Part-Time 好得下，不過就算幾得都應該只係 Form 5 / 6，細我好多。但我拍埋去又同我差唔多大咁，看來都係我 Baby Face 吧。
1235，翻到屋企仲未見細佬翻黎，仲諗住問佢洗唔洗買佢個份，佢應該晨早游完水翻到屋企再出過街。首先食左個麥香雞，之後再食個孖芝，但係食食下想嘔。。。結果最後個啖唔敢吞，怕吞落去即嘔。見到《逮捕令》出左 38 集，咁就 DL 埋佢！
1330，趕住刷牙，搞左成 15 分鐘，好認認真真咁刷，再用埋牙線慢慢撩，最後用李斯德林漱口水漱埋個口就出門口。
未出門口個天都好地地，點知一出就落大雨，仲要落一場好大既過雲雨。。。這個晏晝都幾多人出銅鑼灣喎。咁出左隧道口就落車，行去灣仔牙科診所。
1430，去到診所，本來想去個洗手間先，咁要用鎖匙開。咁去登記個到拎左鎖匙，點知去到洗手間門口發覺開唔到。。。咁又夠鐘喇喎，咁唯有 Check 完牙先去。
等左一陣間就睇得，一黎那位上年紀的女牙醫問我有無糖尿 / 高血壓 / 心臟病。答完之後佢就同我解釋點解會問，原來有時牙醫會用上止痛 / 麻醉藥，用係 Mock 牙 / 補牙。咁有幾種麻醉藥，牙醫最常用個隻就會令血管收縮，咁有頭先講過個 D 病既時候就要同牙醫講翻聲，等牙醫換個另一隻藥。
咁漱過口就開始 Check 牙，咁問我有無照過 X 光睇下有無智慧齒，當時就話好耐之前 Check 過話無。咁睇睇崩牙，中上 0、中下 0、右上 0、左上 0、左下 0、左後右後 0、右下 2。哇哈哈， 0 即係話話事，但係右下就出事，仲要蛀左 D。牙醫同個助手講「係 Capacity 黎，要補牙。」。
咁好快咁補翻隻牙仔，之後洗牙，途中牙醫話我刷得好乾淨 ~ 佢話滿意！咁再講翻智慧齒既事，咁我都唔記得係咪真係 Check 過無智慧齒，咁都講翻話去照一照大頭相睇下有無智慧齒。咁就去照 X 光，之後坐陣等牙醫再見我，咁 Check 到有 3 隻智慧齒，智慧指數係 3 隻牙仔 (Max. 4 隻)！咁正路 3隻牙仔會健健康康咁生出黎，唔會打橫生，應該唔洗 Mock。
最後我今年 20 歲，免費牙科檢查 21 歲就無得睇，咁就 Book 左下年 July 睇埋最後一次，如果 D牙生得唔好都仲有時間去 Mock。
1520，離開診所，走之前想去個洗手間，咁岩度門無鎖，咁就入去，呵呵。走個陣見到數隻大黃蜂係附近，好驚，速速離開。咁走個陣其實好好 Feel，途人唔算多，隔離就好多車。灣仔、中環，真係令人好著迷呢。
行到橋底上巴士，見到個女仔著得好火辣辣下。呢個唔係重點，重點係佢坐到成個「蝦人」咁。乜野叫「蝦人」，即係坐到成隻蝦咁縮埋，搵個膝頭頂住個椅背。咁坐佢前面個個就似坐按摩椅咁，真係勁剋人憎。有人話 D 人生得高就會咁坐，我就話係 D 人無公德心就會咁坐！！
1610，翻到屋企，咁人一生總會有些事係一定要自己獨個兒去做，朋友、屋企人陪唔到你，唯有神與你在一起。咁我呢期要打幾個電話問 D 野，幾日都無決心去打，今日翻到屋企個刻突然好有決心去打電話問。
問左 Student Financial Assistance Agency 問轉左科之後 Loan 既問題、再打另一個電話問埋 Poly Web Ordering Notebook 既事宜。本來想打電話 Cut 埋個 Animax，但係個 D 無人接聽電話總係令我無所適重。。。結果都係 Cut 唔到。
1635，咁就開始打機，一樣係《3rd Alpha》。是日精彩貼圖 ↓
Zeora 真係好可愛！
呢 D 就係小男人了，哈哈。
呢個 Q 版真係好得意。
打完機戰打陣 Winning 咁。
1935，阿娘翻到屋企，咁終於有機會同阿娘串下咀咁。咁 Poly 寄左封信黎話會 Refund 翻 D Registration Fee 過我！？同阿娘研究左好耐，我覺得係有得 Refund 喎！
咁再之後阿娘就問到 Notebook 既事宜。咁呢，阿娘就建議買 S7021，個 Mon 大 D，做起野上黎都方便 D。咁依家建議買 P7010 同 S7021 既人都差唔多，其實自己都諗掂。有無 D 做緊 Design / 識人做 Design 既可以分享 D 意見給我呢？Thank You。
原來 Web Ordering 都要翻 Poly 俾尾數。咁同阿娘研究過，都係唔好 Web Ordering，直接去 Road Show 買就算。反正佢 Sep 12 - 25，仲要開到 2100，真係方便到呢。不過就要搵翻時常掛念的肥仔幫我先得，要搵日佢放夜既再買埋就 Perfect！
再之後之後同阿娘講起開 Credit Card 既問題，結論係叫我自己開，佢唔開附屬卡俾我。咁卡數叫我自己因住，咁佢都會幫我找，呵。
再之後之後既之後就食飯，今晚我係食 Pie & Tart 賣既 Apple Pie & Potato Paste + Corn + Ham Pie，再食兩個大 Pears 就一餐了。
PS. 「之後」呢個 Term 好熟，擺明係抄人的，哈哈。
2005，睇《Keroro 軍曹》第 71 + 72 話。但係睇到咁上下先醒起，係喎，今日係禮拜五，做 Super Nanny。又 Miss 左，結果睇得 20mins 到。這個呢，今集係 Season Finale。。。呀，走寶了。
下個禮拜就做 The Amazing Show，睇下吸唔吸引先再考慮追唔追。
2315，剛打完 Diary，咁就一天了。係咪好詳細 + 好長呢？所以都唔 Highlight D 字了。
PS. 在此為肥仔祈求有個快快樂樂的 Camp Camp。哇哈哈，我要等你翻黎再組飯團啊！！
2345，等沖涼。。。去左打陣 Winning，狀態仲係咁 Fit。由於太無聊，要搵人閒聊。今天就找了 Form 2 的 SiuKaz，說實在，她非常爆笑！做妹都唔錯。
2505，沖完涼，屋企無晒牛奶，但係有豆腐花食，食完就覺覺豬。That’s All.
---
0830，這個呢。。。好忙。今日上半晝會好忙。。。
有個計劃，今次是正義的計劃。話說大家可能有需要有個 Web Space 去裝 D Pics / Docs 放係 Xanga 度，諗過不如寫 D 野出黎等大家有個類似小小既 Web Drive 咁好唔好呢？
PS Avril - Complicated.
1242，剛翻到屋企，整左成朝終於搞好。其實人地部機唔慢 (粒 U 仲快過我用緊個部) ，只係欠保養唧。至爆笑就係連個變色 Mon 到我整到半路都正常翻。
詳情今晚先講，依家趕住食 D 野就去洗牙，我要牙醫讚我刷得乾淨！
Created On 26/08/2005 10:54:36
Your Comment
Name :
Authentication Code : 