1002，落雨既日子真煩。。。

2129，哈，終於告一段落了。

1. 正當今朝出門口之際遇見了她 ↓



哈，想一想。我無小學朋友、中學 Form 5 朋友少到無、 Form 7 朋友仲有幾粒。朋友，令人又愛又恨。實不相瞞，我地無聯絡好耐，可能佢地覺得我悶掛。係唔岩傾既唯有算吧，無得勉強，生活習慣、喜好唔同。乜都唔同都可以做朋友既話，原因就是大家身上有一種不明的特點吸引對方吧。現在只有 Let It Be.

2. 今天說了一些關於「主禱文」的事，經驗值增加了！另外就係無啦啦學校話保安上有變動，結果 Church 就要發了「教友證」配合學校既新變動！？真係估唔到學校咁型！？仲有就係學校學生 Lunch 要拍卡，唔係無得出去 Lunch，詳情都要等學生有正式學生證先有定論。

之後上堂，人丁單薄，有兩位走左，結果得翻兩位。為了增加人氣，搵了另一位朋友加入，計埋牧師，總共四人。牧師坐係一邊，另外三位就坐另一邊，好有 Interview 既感覺，哈哈。

聖經常識問答比賽熱門題目：「基督徙在那個地方首次被稱為基督徙呢？」

答案明天開估。

3. 回家途中買左 32 罐可樂，送左 4 樽檸樂，再換埋隻得意大頭狗，真係抽到手都軟埋。。。翻到屋企一望，阿娘買左 16 罐可樂，「知你買我實唔買」，兩母子都係咁諗。。。

之後就一口氣睇晒第七、八、九集《電車男》，仲有兩集就大結局了！終於追到日本進度了。第九集個 Ending 停得好完美，令觀眾無理由唔睇埋第十集，預告又無漏風聲喎，堅！另外俾我發現一個演員係《Slow Dance》同《電車男》都演相同既角色，即係 Cross-Over，就係山田孝之演個位惠比寿章象飯老闆！

《America’s Next Top Model》Finale！Last 3 就係呢三位 ↓



結果左面個位先出，之後中間既 Kahlen 都出局，新一屆既 ANTP 係最右個位。之但係 Kahlen 影個 D 硬照真係好得，又靚喎 ↓



這個 Model 硬照，執相執得好厲害，完全變左另一個人咁。。。比化妝更厲害。

4. 聽日終於開學，一黎就要 0930 聽過 Talk 咁上下既野，真係好早下。說實在，完全唔想翻，仲未 Ready 好。所以話人係咪矛盾，無學翻又恨翻，有學翻就唔想翻，仲想 Hea 下。。。

心情緊唔緊張自己都唔知，但就有好強烈既不安感。。。真係好唔安樂。。。其實聽日應該都係齋坐，到禮拜三上 Tutorial 先真係見到下 D 同學仔。

PS. Comp 個邊 Send 左 E-mail 話 Syllabus 改左，Week 1 都有 Tutorial，都唔知乜料，__。

2318，依家可以做既就祈下禱吧。。。希望順利啦。朋友仔請幫我祈禱吧，Thank You。開學飯再次因為肥仔而食唔成。。。That’s All.