2315，都係剛剛打完 AOC。

1. 尋晚 ~2700 先睏，今朝 09 未夠就醒左，可能呢幾日都要早起身掛。咁呢，起身無耐佢就 Online。終於可以 Netmeet 下，試左用呢個野 ↓



嘩，果然係好過 MSN Messenger 個個喎，佢唔窒又無 Delay，堅爆！下次都要再用！咁呢，今朝好似國際聚舊咁，一個 New Zealand、一個 Australia，兩個都 Year 2 既 Sem 2 尾了，真係好快呢。

呢期Disney Land 好多負面新聞，之但係妳翻黎都要去一轉！話左去就會去，理得 Disney Land 係頹定廢，呵呵呵。都幾期待架，同妳倒數回港之日一樣。無人接你既等我接啦，Yeah ~

哈，大家對我 MSN 個 Icon 咁感興趣既。無錯，我係巧可愛的，哇哈哈。

2. 同佢地聚完之後就入房再睏多陣，一睏就睏到 1400，睏到人都癱左咁。睏醒無耐就同肥仔、+hung 打 AOC，佢兩個果然係堅喎，D 分「爸爸聲」咁升。不過唔知係咪受 1.0 個堆玩友既影響，好有搬竇癮。。。今日晏晝打一次、夜晚打一次，兩次都搬左竇。

佢兩個係坦盪盪城堡派，完全唔會花石仔起牆，剩係鬥快係敵人隔離起城堡屈人。得閒都要睇翻 Record 睇下佢地開頭個陣點玩先得。

2438，咁都無乜特別了，夜晚食黑豚肉，好食。睇左上個禮拜既《Keroro 軍曹》，搞笑。攰攰地咁啦，都差唔多了。That’s All.