2335，開始。

1. 今日都無乜特別野，朝早睏到好晏先起身。無他既，呢幾日真係好攰下，雖則都無乜野做過，但就係攰囉。咁睏緊既途中都聽到有 SMS，不過估係廣告 Message 所以無理佢。

起身之後同朋友仔傾左陣，原來係咁遠，去到數碼港翻學。。。相比之下，應該佢比我翻學更唔方便，無他既，無鐵路係咁架喇。交換啦一係，哇哈哈。不過點都好，千期唔好撘 970，兜到頭都暈埋，不過想睏覺既就幾好既，一程就到。我覺得最好去中環、金鐘再撘巴士入去會比較快。走既時候有乜車就撘乜車，好彩有 73 就係香港仔再撘紅 Van 翻過海咁就 Perfect。

真係唔好睇小紅 Van，今日 1740 係九龍塘火車站，10 mins 落到旺角，再撘紅 Van 翻華富。1825 就翻到屋企，快到甩轆。其實係用車錢黎換時間，$6 換 30 mins。好認真咁諗過，係夜先會咁撘，如果放早的話都係落 CWB 撘巴士。

正所謂「有朋自遠方來，不亦樂乎」，搵我吧。我一定會有熱烈咁歡迎你的，吃喝玩樂我包晒！照睇 Time Table，禮拜二可以教我打波喎。再講，看來你已經習慣了嗎？又幾快喎。

2. 今日既課堂，悶。但睇得出個 Lecturer 係有心教的，不過任何 Programming 開頭都係悶爆架喇，到後期又會太難唔明搞到好悶，所以係好難將佢變得有趣架喇。之但係真係教得好慢，當年 Java 都教得幾快下，C++ 反而慢左？！

咁個雪球又滾大左，今次就滾翻近自己多少既雪，不過都仲有一段距離，好過無啦。希望多 D 會睇動畫既朋友仔、希望多 D 打 PS2 既朋友、希望少 D Canteen 黨！不過講開，點解會無 Starbucks、Delifrance 架，連 7-11 都無。。。得間 Pacific Coffee，真係跳樓。。。

3. 晚上打左 3 Round AOC，1st Round 同 SiuKaz 打，原來佢新手中既新手，仲要起牆自閉，仲等我打 Hard 添。。。結果當然慘敗，起幾個 Castle 都俾人拆晒，勁無癮。

2nd Round 同肥仔、+hung 打，3 vs 5 Hard，結果慘敗。。。竟然肥仔要搬竇搬去我到、+hung 投降。。。未諗過。其實應該挨到？！點都要打瓜件先得，唔係人地幾個國家兵馬浩浩盪盪咁殺入黎就死梗。。。肥仔將此現象形容為「色彩繽紛」。

3rd Round 都係 3 vs 5 Hard，今次就大勝，的確係地圖問題。咁肥仔 21 mins 升 Castle，巧快。+hung 同我就差唔多 ~ 30mins。咁我係正中間，兩邊翼位俾人攻。肥仔好快手打瓜佢個邊，見係咁咪去 +hung 個邊殺上去，勢如破竹。但係原來肥仔個邊俾人打緊，睇住個 Castle 俾人拆，哈哈。下次講清楚 D 嘛，等我殺上黎。

話雖如此，我 D 分都係好少下。點解呢？問題出係邊度呢？！有無人可以話我知啊？

4. Time Table 大結合四分三完成版，都差唔多了 ↓



5. 睇埋《Slow Dance》最終回了，總算告一段落。籐木直人 + 涼子姐姐呢一 Pair 真係好正，幾驚同個個二打六一齊。套劇睇得好舒服，好輕鬆。真係好值得睇一睇佢，得 11 集，又唔係長。《電車男》今晚都大結局了，今季追開既日劇都完了。期待新一季既日劇。同時又可以專心追下動畫

2445，是日完。That’s All.