2328，嘩。。。今天。。。

1. 今日都係走左 1.5 hrs 堂去交 Form，約左 Wilson 陪我。咁本來諗住撘其中一部 Lift，但係遇正 Lunch Hour，好多人撘 Lift 上茶樓飲茶，女性佔大多數。見陰氣太重所以撘另一部，點知又再一次好重既陰氣。咁最後都入左部 Lift 到，有件爆笑既事發生左。

話說一大群女人 + 鬼佬追 Lift。咁個鬼佬係出面咁住，我就係入面咁住部 Life。咁個堆人都 Hold 住部 Lift 幾耐下，咁當個鬼佬入埋 Lift 既時候，其中一個女人就同個鬼佬講「DoDoDo 啦，阻住人啦，講對唔住啦」。個鬼佬就答「唔洗對唔住。」個女人就話「唔係同你講啦，係同人講啊。」。個鬼佬就話「唔洗同人講對唔住。」但係過多幾秒之後。。。個鬼佬擰轉頭同我講「Sorry。」個個 Moment 我真係忍唔住笑左出黎。

之後上去交 Form 再 Check 都係漏左個提款卡既 Copy，咁落翻去印影。想話搵個釘書機釘釘個疊野，但係就無釘。。。哈。之後再上翻 6F 交 Form。個陣見到 Sing Kit，今日既第一次。交完 Form 之後就上埋剩低個 1.5 hrs 既 Lecture，聽完等於無聽。。。看來要溫書了。我要爆 GPA！

2. 1730 落堂，走個陣又見到 Sing Kit，今晚有野做，所以去唔到團契。咁係又一城 Hea 陣就翻 Poly 會肥仔。咁 1830 排隊，個陣條隊已經好長下。排左 ~ 1 hr 之後，In Charge 個 Site 個位 Staff 就話無晒貨！？大家當然係度嘈啦，搞左好耐最後派籌拎機。期間一個女 Staff + 一個男 Staff 係度宣佈過 D 野。男 Staff 差 D俾人打，女個個係俾人省幾下咁，所以話呢 D 場面永遠都係女 Staff 去處理比較好，起碼男人較少開口大罵女人，但係男人就會罵男人。不過真係有無搞錯，預左個日係咁多人拎貨就應該預夠貨啦，絕對無藉口話無貨。

咁由於要等批貨到，要 2100 先有得拎。咁就去左《小魚滋味》食 Din。咁吹下水咁，肥仔依家同佢 D 同學關係幾好喎，無底線。男男女女落堂講性經驗，非常好。真係笑死我，死魚！！一日七次結果男個個搞到好稀 + 腳軟要女個個扶，即係平均每 1.5 hrs 就來一次，都幾激下。睇住電視一路做，就係睇緊恐怖片先嗌，會唔岩 Timing 的。69 式！！

之後行翻去拎 NoteBook，見到兩百幾部 NoteBook，有幾百萬係度。咁大個仔第一次見呢個咁既場面，肥仔幾度起貪慾，自己去拎部呀。結果一個阿叔就破壞了他的計劃。見到一隻大曱甴，兩個人一齊「嘩」。之後終於拎左部機。

3. 之後有巴士到，肥仔拎住部機，我就拎住個袋去追車，肥仔肚痛都陪我追。我阿娘就話「呢個肥仔都算係咁了。」。咁係車度無位座要企。翻到屋企打左陣 AOC，結果肥仔俾 Turks Hand Cannoeer 打到 Resign，咁大家就 Resign 晒。

之後 Check 機，都唔知係我好彩定唔好彩，有一點光點係個 Display 度，真係好 HiHi。聽朝打電話去問下點樣換個部先得。

4. 今日打左電話去問補習事宜，聽朝去一去 Interview。唔知做唔做得成呢，一個禮拜翻三日。應該要走禮拜四既堂，好彩係 Programming 黎，走都走得安樂 D。咁就即係翻一、三、五，都咪話，幾 Hea 下。

唔知係咪阿娘見我尋日怒火中天，佢買左個部銀包俾我。之前個個都爛爛地，執銀包時發覺左一樣野，Keep 左係度 3 年了，將來都會照 Keep 的，哈哈。等人翻黎俾翻佢睇。

今天非常感謝肥仔的說，正所謂人生得一知己死而無憾。

2421，聽日禮拜六都要早起身。。。今晚早 D 睏。That’s All.