2245，他和她的故事 …

1. 眼睏。。。撘巴士出 CWB 個陣進入睡眠狀態，睏得勁「冧」。以超慢既腳步行翻到去，時間剛剛好。咁上 C++，今堂還是一樣簡單的東西，悶下悶下咁到 Break Time。某人打電話黎叫我等埋佢一齊走，但係等到落堂佢都未走得。

到落堂既時候就搵佢，原來佢幫人買 Notebook 賺翻幾舊水咁。見佢仲未走得就行去 Pacific Coffee 買杯 Vanilla Latte 飲，$24。唔知點解，覺得 Starbucks 好似好飲少少。咁邊飲邊等友人，都等左幾耐下，原來自己耐性都唔錯的。當友人飲 Coffee 個一刻，大家不其然覺得好「火車站 Feel」。

說實在，我都好耐無飲過 Coffee 了。今日聽到有人話 $12 杯 Coffee 貴，我想呢，佢應該唔慣掛。一杯係比較 High 少少既 Coffee Shop 既 Coffee 可以賣到幾十蚊，Blue Mountain 可以賣近百添。Coffee 用黎歎既，廿幾蚊但可以歎下，我覺得 OK 喎。除了那些友人 / 那堆友人 / 那些友人，無人會陪我去歎 Coffee 了，依家既同學肯定唔會。

如是者撘地鐵翻 CWB 再撘巴士，咁友人就去田灣同人補習。到左田灣既時候陪佢行過去，但係原來佢識路既。。。早知就唔陪佢啦，過多一過站就總站到屋企附近，有點被騙的感覺，仲要臨走個陣冒生命危險截小巴。。。

補習既野真係無乜所謂架喎，唔準備都得既，呵呵。我同佢咁熟，等我同佢講聲啦，絕對唔洗你做醜人。之但係，佢都會睇到呢段 Message，哈哈。不過話時話，好鬼開心架喎。突然間有 D 朋友仔到訪南區，Welcome my Friends，得閒搵我 Hea，呵。

2. 翻到屋企阿妹講左 D 野令我好驚 ↓



$300 生日禮物。。。話就話哎吔阿哥，都唔洗咁激的，有心已經夠了，畢竟只係小妹妹黎，留翻 D 錢自己洗嘛。「生日」其實係俺洗錢既大檔期，一來要買野比自己玩，二來可能要回禮之類既野，$300 。。。點都太貴了。點都要阻一阻止佢，唔想好似俾我呃左咁。

話時話，都好耐無收過禮物了，只係 Ex 會送。我唔 Mind 有無既，不過。。。呵呵。點都要食餐飯！突然間諗起 +hung 大大上年係我生日時做左一樣野，件事唔特別，不過做既原因好爆笑，遲下先講。

3. 今天同一位的友人竟然性情大變 ↓



估唔到會格硬迫 D 唔係讀 Computing 既學生做 D 咁既野。。。講真，我覺得用 2 個 Sem 去邊學邊做就差唔多。又要 Frontpage 又要 Access 又要 Excel，都真係咪話，會癲的！睇下我幫得幾多啦，盡幫吧。Computing 呢家野，大不了咪抄，有幾難，呵呵呵。

邊隻高智慧生物諗出黎，不如話遲交就唔收好過啦 ↓



自己 D Flash 閃走晒。。。想補底學翻下，有個人教應該會幾唔錯。

4. 終於完晒了，他和她的故事。。。動畫版其實幾年前已經完左，漫畫版就先幾個月，總共廿幾期。呢套動畫整體來說都幾好的，不過遇上庵野老賊既惡搞，有 D 位都睇到幾火滾下。係有多少衝動睇一睇套漫畫既，不過就無時間。動畫版無結局。。。唉。。。不過呢套野的確係幾吸引人，作者係津田雅美。

新一套已經準備好，就睇《Gun x Sword》 + 《Full Metal Panic》！滿意未，+hung 大大？

2425，今日寫 Student ID 既時候竟然不自覺地寫左 ICQ Number。無他既，大都係 5 字開頭。個 Router 偶爾就 Hang，唔係咁 PK 嘛。。。That’s All.

---
0848，↓



翻學既日子令我身心疲倦。。。通常都早睏左，依家有個目標就係 2400 前睏覺，不過極其量都要 2430 先去睏。朝早反而會早起身，無他既，要 Mon、Wed 翻早。。。搞到其他日子都早起埋。亦都因為咁，肥仔就約唔到我去打波，我又要自閉咁係屋企。。。

1008，整好左個 VPN Server，不過。。。IMS Upload 速度其慢無比，好過無得用咁啦。另外個 Mon 唔知點解又有翻個點光點，點都唔係我眼花掛。