2325，三隻白白豬，各自去搵屋。Da … DaDa … DaDa … DaDaDa …陷家死 __ 晒。。。啋，咪講埋 D 衰野！

1. 今日都睏到幾晏先起身，無他既，尋晚太盡興，夜睏左。。。咁早起身想幫 Wilson 搞搞個 Assignment 先，不過精神不佳，都無乜點做過。Hea 左陣打左陣 NBA Live 2006 就到晏晝。咁上網搵野撈，整下整下都搞左好耐。

正當我想睏下晏覺既時候，蝦米哥電我話佢同學想今日補習。說實在，我有 D 「O 咀」。難得放假我想抖下。 (係咪好押韻呢？) 結果 Lunch 都食唔到就去補習。同時，Wilson 份 Assignment 我都做唔到，當然，自己個 D 都做唔到。

2. 好彩補習個兩位妹妹係香港仔住，近過鴨脷洲多多聲！不過其實香港仔海旁個頭都幾吊腳。。。都要行一段路。係樓下等埋個兩位妹妹就開始補習。

補 Econ，今堂講 GDP + GNP，用左兩粒鐘去講。唔好話係聽個個，就連係我負責講都覺得悶。。。都同兩位妹妹講聲話覺得悶就同我講聲。其中一個好大反應話「係咪話悶之後會講得生動 D？」，咁當然係唔會啦。我係一 D 唔主張做補習功課既人，不過其中一位話要我俾 D Exercise 佢地做！？我話做 Past Paper，佢地又話要另一 D。。。題目從那裡來？

開頭蝦米哥講到佢兩位同學程度勁低，但係事實都唔算太差既，算 OK 啦。不過可能 GDP + GNP 係新教，佢地印象較深掛。遲下 International Trade，真係難到嘔，勁易搞亂。話時話，蝦米又話個兩個同學差，但係個兩位同學又話蝦米懶，係勁懶。看來都係一樣架喇，唯有等我同 Wilson 交換資料吧！

PS. 其中一位是這樣說的「佢 (蝦米) 係聰明既，不過就好懶！」

依家暫時一個禮拜一堂兩個鐘，不過我就覺得分兩日個半鐘會好 D。兩個鐘太長了。。。再者，一堂只係夠止血，醫唔到舊患。要兩堂，一堂補新野、一堂補舊野先有效。問了她們一個問題「究竟有邊 4 科有信心 Credit？」想了一想，係想唔到。L 班都係三科商科兩科 Credit，再加 Math、Geog / Comp。咁就夠晒！蝦米哥，你都一樣吧。其實仲可以同佢地補 H.Bio、Comp！不過睇下佢地點啦。

3. 夜晚同蝦米講傾左陣，都係講翻補習既野 ↓



今日大家都好攰。。。睇佢地 & 我既樣絕對睇得出黎！大家既咀臉都變晒。。。哈，「靚女」，下次我會同佢講的。呢句就好腰心 ↓



補既過程都好輕鬆愉快，係悶囉，當然係有傾閒計既環節。不過點都好，早開始溫有著數，雖則偶都係 Mock 後先操 Past Paper。當然又唔係話考到好好，不過過得去咁啦。

4. 今日剪左頭髮、阿妹終於知道我中文全名，俾我估中係美術老師講、夜晚幫 Wilson 整個 Assignment，估唔到竟然仲有機會一齊做 Project，不過呢日完全唔在狀態，都幫唔到乜手，用翻個舊 Template 黎做 ↓



本來都搞掂晒，但係無啦啦又整多幾個不知名問題。。。Sigh。。。

2439，阿娘夜晚對我說了一句「你臉色好差喎，早 D 睏啦。」，今晚都係早唔到。。。明天還要早起添！好多日都睏唔得晏。唔制！不過明天真係有好多事要做。That’s All.