2203，邊 CSI 邊打 Diary！

1. 今朝。。。尋晚睏得唔好，今日精神麻麻地。係隧道口塞左陣車，個個 Moment 就係睏得最好既時候，哈。有 D 衝動想走堂去睏覺。三程地鐵有兩程有位坐，都算係咁了。

CM 有堂睇野睇到暈、今日又有 CM 既堂聽野聽到暈。。。這個 Sound Basics & Design 真係呢，自己唔係做呢行點都係難上手。Tutorial 試個個 Cubase，悶到我呢。。。想搵個人傾閒計都無。真係好懷念上年上堂 Hea 爆、走堂去 Starbucks 個種生活。。。

依家 D 科其實都唔知自己算唔算跟到，CM 個 D 科話唔識又唔係，但係又講唔出學過 D 乜野。電腦 Hardware 個科，又係識 D 唔識 D。同阿娘講翻咁既情況，佢就話「個 D 電腦科黎架喎，你都唔識？」真是呢，並不只是她，很多人已經將「我」同「唔會唔識電腦科」掛勾了。。。咁都無乜野好講，唯有用翻「我無理由讀唔掂 D 電腦科」作藉口激勵自己吧。。。

咁上埋個 Tutorial 就去拎埋個 Portfolio，本來想拎埋張 Credit Card + 入翻張 Cheque，但係銀行大排長龍，結果就放棄了。如是者就撘車回家。

今日見到 D 人畫畫勁掂，無奈自己完全畫唔到。個 Instructor 都 Suppose 左大家係有 Take 過 CE 既 Arts。之但係我無喎。。。我算唔算一個奇人呢？百無咁入去 CM 讀。但點都唔似揀錯科架！？

2. 本來想買 D 野翻屋企食，但係又唔知食乜好，咁就直接回家。一開 Mon 就見到佢 Online，拿拿臨即刻同佢 Chat，尋日個 MSN 死死下都 Chat 唔到。仲有得 NetMeet + Voice Chat 添，開心死我。真係好開心，成日最開心就係個陣。哈，叻啦，Law 都讀得掂、IS 又掂，堂又敢走，妳果然係叻女！

其實本來想睏晏覺，但係 Chat 完都一段時間，咁蒸左 D 奶皇飽食就算數。咁都係打下機、睇下動畫咁就一天。《Full Metal Panic》真係好吊癮，睇完一集就趕住睇下一集，如是者今晚睇左 6 集。。。呵，今晚總於睇翻《CSI》，《Lost》就放棄左。

3. 三個碎點關於家中的肥仔 ↓

．無啦啦拎左兩本書翻屋企睇？！仲要係少女愛情小說？OMG。。。I can’t believe it。。。
．他臉脥上生有了一粒紅豆般的暗瘡，又紅又腫。同學笑他像麵包超人，兩者相同的地方是臉脥上都有粒野。
．「吹啤」已經成了兩兄弟之間的口頭禪，你吹啤啊！

4. 夜晚聽到了一個震驚的消息。。。聽到一個女仔話佢竟然有玩 Counter-Strike？！真係第一次聽。之前另一位女仔話玩 CS 玩到頭暈，係連睇都暈。。。玩 CS 個個女仔真係特別，可能真係男仔黎，這就是叫做有其子必有其父？！哈哈。得閒去要去星際買翻隻大陸版 CS。

同上年 ITEC 既同學傾幾句，有時我覺得做 Project 都唔洗日日開會開到咁密既。點都要俾翻 D 時間大家去做自己野先得，唔係話晚晚都開會就會做得好。

2401，去敵視你做足準備，打得開心阿媽都唔認得你… ！聽日 Day Off，真係要做住 D Assignment 先，唔係堆埋一切就 PK 了。依家想搵個人抄都無。。。都係上年既同學好。往事只能回味。。。That’s All.