2323，用完膳回家，一個字「惡」！是日貼圖 - 「利園」！



此乃名店集中地，富貴人家必到的地方，哈哈。

---
2347，始動！

1. 今日又走晒成日堂。。。今個禮拜翻得 3hrs / 16hrs，走堂走得好嚴重下。。。其實今日走堂都無乜特別野做過，睇晒《Full Metal Panic TSR》、打左好耐《CS:Source》，剩係做左 1 份好簡單既 Assignment，現還有 2.5 份 Assignment，聽日點都要再做埋另一份簡單 D 既 Assignment 再加大半份先得，唔係禮拜日死都唔掂。。。

完晒 D Assignment 之後真係要上足 D 堂，唔想因為走太多堂搞到 Fail 要 Retake，好似 Sem 2 鬼佬個科就死得了。。。但係 Computer Organization 有 Fail 既機會。

[碇真嗣 Mode] 不能逃避 不能逃避 不能逃避 不能逃避 不能逃避 [/碇真嗣 Mode]

PS. 點解你地翻學翻得咁開心既。。。我就越黎越唔想翻。。。「走堂」果然會上癮！

2. 夜晚去左一間新地方食晚飯，又係賀生日。咁間鋪好細間。。。一黎就帶出今日主題「惡」。肥仔一埋位就話「咩料啊！？」，嚇到個店員講「唔好意思」。原來肥仔係話「Menu」。。。大佬！

咁就叫左 ↓



+hung 條秋刀魚未出世，所以最遲先到，但係其他人已經食晒。呵。咁食物方面都唔錯，不過鋪面太細，一食完就差唔多迫你走，無得坐耐 D。

之後四條麻甩佬去 Time Square 逛，咁睇下相機、波鞋咁。呢期睇中 Nikon S Series！真係好得喎 ↓



所以話點會咁易儲到錢呢。。。之後就去上次去過既《雪中情》食甜品，就叫左呢 D ↓



講左好多無聊 IQ 題。。。本來可以試下一大碟雪糕一齊分既，不過四條佬無謂做埋 D 核突野，食食下變奶昔就無謂了。。。食完之後跟肥仔學下 LV 全名點讀、Windows Walking 左陣就各自歸家！

3. 一大條低 B 題，反白看答案！

．將隻大笨象放入雪櫃有邊三個步驟？
．將隻長頸鹿放入雪欄放入雪欄有邊四個步驟？《VICTOR 說：絕對唔係摺埋長頸鹿條頸 / 打結！》
．獅子大王開森林 Party，有邊隻動物去唔到？
．咁開完 Party 翻屋企，但係你跌左條鎖匙落鱷魚潭，咁點算呢？《肥仔說：D 鱷魚真係好惡架喎！》
．拎翻條鎖匙之後又點呢？

答案 ↓
．打開雪櫃門 → 放隻大笨象入去 → 閂雪櫃門
．打開雪櫃門 → 拎翻隻大笨象出黎 → 放隻長頸鹿入去 → 閂雪櫃門
．長頸鹿，因為佢係雪櫃。
．落去鱷象潭執翻，由於鱷魚去左獅子大王既 Party，所以非常安全。
．爬翻上黎，翻屋企。

係咪好低 B 呢？全靠肥仔啦！再附加一條「小明跑得快過隻豹，點解呢？」因為小明真係跑得好快！哈哈，激死。。。

2442，開心過後又係沈重的工作等住去做。。。好炆啊！！That’s All.