2155，真的累透。兩個禮拜前就係咁 Illusion、上個禮拜就係咁 Pixel、今個禮拜就係咁 Animation。。。唉。。。真係巧煩，我要 Hea！！

今天睏到九點就起身，朝早睇完人地 Diary 就拼了老命咁睇《Zeta》，睇到咁上下就睇《婚前昏後》，聽人講這是第三次重播，但係都是第一次看，哈哈。期間就去蒸左半打奶皇包當 Lunch。

食完之後就起勢咁寫 D 野，當然有錯字啦，不過費事用塗改液改啦。連日子都寫錯呢，成日以為今日已經 Nov 4，原來係 Nov 3 咋。呵，預左俾人話架喇，希望唔會啦。

到咁上下就出門口，看來患上「隧道睡眠症」，一入隧道就好眼睏。係巴士到睏，又係睏到唔願落車的說。說時遲那時快，與美人會合，拎 D 野俾佢。今天感覺上有點不同，在電話中聽到美人把聲，發覺美人好似。。。溫柔左 O.o 其實可能佢自己都唔覺，佢講電話個陣把聲真係好 Sweet 的說。比起面對面對話把聲真係差好遠。信又好唔信又好，呢個係事實！哈。

可能係個時間約得唔好啦，阻住美人食 Lunch，非常抱歉！不過美人既反應非常之 __ __，我都唔知點形容，就係覺得可愛，哈哈。美人講得岩，好快就翻到 City，仲早左添。今堂學既野比較難纏，不過 Programming 既野一里通百里明，上年既 JAVA 十分管用！咁本來翻學前想買麥提莎，但係又唔記得左。咁襯 Break 既時候去 Campus 間頹店買左包麥提莎，貴貴地啦，$5.5。

其實今日 BSc 有個 Meeting，不過見太夜所以唔去了。咁落堂就去吉吉買細牛回家食。由於患上「隧道睡眠症」，係亡命 Van 又睏著，係咁撞條柱，Feel 到撞落去 D 聲好響亮，又係睏到唔願落車。看來我真係要好好眠一眠。

翻到屋企食完個 Tea 就繼續睇 Zeta，兩日就睇左 16 集，哈哈，係咪好快呢？咁見到有人戇奶咁講幾句啦，點知話翻我轉頭。。。你以前唔係咁架，唉。。。越黎越覺得難溝通，我都唔知點了。我都知你有好大壓力既，但係要講我聽先得架嘛。留個 Message 都得嘛，剩係想知你點唧。

最後就係一 D 小事，咁想話同屋企人講下生活鎖碎事、分享下咁。但係反而俾屋企人話翻轉頭，咁樣好難搞架喎。如果係咁咪索性唔講囉，真係好無癮。之後仲想係度兜，點可能兜到呢，已經俾我發現左。

2308，這就一天了，今日都幾開心，唔去諗 Assignment 的話。難得見到美人溫柔的一面，哈哈。That’s All.