2307，來吧，忙裡偷個閒先！

1. 今日上堂，Sound Basics 整左個 Real Time Online Test，點知整到個 Server Down 埋。。。都咪話唔搞笑！儘管加多 20mins 去到 60mins 去做個 Test，但係都唔夠時間，因為等好耐先 Load 到一題出黎。。。Well, 最後我做得 18 / 20 題，剩低個兩題都唔知點算，哈。都話呢 D Online 既野永遠都靠唔住！

之後上 Visual Thinking Tutorial，三個 Instructors，最 Buy 今日呢個 Instructor。聽到人話呢個 Instructor 上左亞洲電視兒童台！！好想睇翻的說，知唔知邊度有得睇翻？

2. 講完上堂，就當然講下堂外既事啦。除左見到「人間有情」外，今日上堂就打 SMS！+hung 兄電我，但係個陣做緊個 Test，聽唔到電話。肥仔係我臨落堂前電我，個陣就聽左，呵。我上堂係絕少聽電話的！SMS 就會覆。

咁落堂之後就電聯，經過一輪粗口橫飛後，決定落旺角食 Tea。如是者去左朗豪坊，去左 Euro Go Go。肥仔的確無介紹錯，價錢唔貴，食物都幾 OK 的說，而且又唔 Low Class，堅！係坐正風口凍 D 唧。

今日就係旺角Mall 六十分鐘頹遊，朗豪坊。個格局就唔差既，但係「行人」就好多死 MK，至爆笑係門口有一大群學生係門口煲煙，OMG。。。個 Mall 想變 High Class 都幾難。

之後行去旺電，說實在，第一次入去行，平時原來都成日經過。旺電。。。無野行，頹！不過肥仔就惡啦，整跌人地成棟 Mini DVDr，整跌完仲要即走囉。。。係我就實買 D 野，唔係搞到好似運吉咁，反正佢都要買 8cm CDrw，正衰人，仲要搞到我同 +hung 都係運吉。。。

最大得著實係 +hung 大大，一口氣申請兩張 Credit Card，堅堅堅！做乜唔要紅彗星 Credit Card，碌爆 Card 速度快 3 倍喎。為張 Zeta 戲票就申請，唉。。。贈品，好一致咁揀晒 Hello Kitty Products。

再之後就行去信和、好景，兩個場都係轉緊型，不外如是。。。報紙又吹到好潮咁，咪又係咁。。。

3. Abstract Animation 終於動工，不過做成晚先做得 24 個 Frames，即係 3 秒，還有 27 秒要做，都唔講得笑！不過聽日 Day Off，今晚可以做通頂。睇下點啦，攰就唯有聽朝先做。

2351，今天另一位補習個位妹妹電我，佢話佢 Econ 全班第二。。。哈，幾好幾好！唔關我事 =v= That’s All.

---
0929，From this moment … Life has begun …

好囉，又走左堂 Lecture，不過今日點都要翻去做 Test。尋晚成日覺得頭赤赤，依家個頭仲痛緊。。。唔係染上甚麼頑疾嘛。個 Animation 點都要始動，但幾時先動到呢？！

到左呢 D 考試日子，個個都話自己好忙，無時間去抖 / 做 / 溫。人人都怨聲載天。咁既想法係唔正確的，與其去想我們缺少些甚麼，倒不如想想我們有的是甚麼吧！好！我有的是 2 Test + 1 Assignment for this Week。咁樣諗係咪好似少好多呢？唔係喎。。。效果近乎零。

那麼，繼續怨聲載天吧！！

1338 @ SCM Lab，任何事都在祂的安排下，包括一切自己覺得「好」或「不好」的事。任何的安排都是為自己好，那麼為何會感到害怕呢？不是憑信心便可解決嗎？Come On, be Confident.

就在剛剛的那一刻，有同學說了一句令我感到「人間有情」。那句十分簡短，就是「需要幫手嗎？」對了，是祂向我伸出援手吧！不是孤獨一個人的說！但係要人幫，自己都要做先得，今日要爆 Seed！！