2152，放假都放到好攰。。。可能著得衫多，焗親。。。

1. 補 1100，諗落都係早。。。我想睏晏 D，但係又怕睏過龍，下次都要諗下好唔好遲少少先補。阿 Pei 一黎就以輕挑的態度向我 Say Hi，真係唔知好嬲定好笑。今天繼續 Demand & Supply，仲唔係最後一堂 Demand & Supply？！應該可能到臨考前會再講下，總覺得 Concept 都未清。

今堂堂後感就係「亢奮」，咪諗埋 D 衰野。亢奮原因係 … 一向挑剔既阿 Pei 都話我個「分 Burden / Benefits」既方法掂！真係令人好鼓舞！

黎緊禮拜二唔洗補，因為我要出街！呵！Judy 加油，不要屈服於阿 Pei 直拳之下！

PS. 補習個陣，唔記得邊個話「唔好講英文」。。。氣死！我要搵翻個個人出黎！！

2. 補完之後約左蝦米兄補賀生日，由於今天非較繁忙，行程都比較趕急。只可以說句「今天唔係適當時候約我。。。」

今次就去左「拉麵橫丁」既唔知邊間食，叫左個二人 Set。其實之前都食過，仲記得係乜野時候食添，點解記得？咪就係「探熱針」、「螢光棒」等既借代出現個日。由於時間趕，唔坐得耐。

埋單個陣。。。唉。。。咁找錢個陣眼見有 2 張 $20、2 個 $2。咁通常唔理有無 Service Charge 都會俾少少咁。咁正路當然拎 $20 x2 + $2 啦。誰不知道 $20 下面仲有個 $2。。。Sigh … 咁就俾左 $4 Tips，我覺得多得滯囉。。。有 D 俾人呃咁。不爽！呢 D 事都係第一次遇到。

食唔係重點，講既野就真係一流。又講開補習既事宜，話說蝦米同 Econ 老師好 Casual 咁傾計，咁講幾講就得悉我係度補佢 D 學生。根據蝦米口述，係這樣的 →「哦，VICTOR 啊。佢 Econ C 架喎，都幾好架佢。」咁呢句係 Positive 定 Negative 就真係唔知了。

PS. 1. 唔知阿 Pei 有無睇到呢，蝦米銀包內竟然有妳張相！仲要搵兩個汽球夾住 XXD。

PS. 2. 在銅鑼灣街頭看到一對男女，我就說了「噫，有人發緊脾氣喎。」，之後見到了一對外藉女仔，又說了句「噫，有人鬧交喎。」。無聊。。。

PS. 3. 咁又多張 So Call 「VIP Card」。。。



3. 之後同阿娘係 SOGO 買野。由於天候凍，再加上無褸好著，阿娘決定同我買過件褸。由於風褸唔保暖，所以想買件「爪毛褸」。咁開頭想睇下 Le coq sportif、Reebok 個 D 款既，不過又睇唔岩。

最後去左 Columbia 睇，本來睇中件女裝褸！D 色襯得好靚好靚，白 + 灰，可惜既係女裝。。。咁睇翻同一個 Series 既男裝，D 色死沈沈。E...... 咁買多件衫就脫離 SOGO。SOGO 實在太多太多人，可能大部份商戶都有 Discounts 所以咁多人啦。睇下禮拜一定二人少少咁再去多次！！

之後去左 Time Square Marathon、Royal Sporty House 睇鞋，但係睇唔岩。。。哈，最後竟然係 New Balance 專門店買左兩對鞋，都係有 Discounts 喎！日版 New Balance 靚好多！！買鞋個陣個 Sales 話我仲有得發育，對鞋都仲可以買鬆 D。之後同佢講話無得再發架喇，成廿歲人。個 Sales 打完場話「真係睇唔出」。

買左幾樣野咁就兩千幾，都咪話唔貴。。。搵錢辛苦架！

4. 講開搵錢，她說 ↓



E ……搞錯！不過佢都岩既，佢翻黎唔陪我就真係無乜細藝 A_A”

2302，頭痛，要睏。今天是 Alice 生日，Happy Birthday。不過佢應該睇唔到。That’s All.

---
1714，辛勞了半天，終於回到家。好凍。。。今天是破財購物日，但係唔算買左好多野唧。。。SOGO 做 Promote 做到黎緊既禮拜二，有買襯手！