2331，聖誕樹上那顆星星是「伯利恆之星」呢！

1. 今朝被一股食物香味香醒，個陣係聞到煎豬扒味。。。其實時間都算早啦，起身仲趕得切睇無記版《GGG Final》。D 配音都係麻麻地，唔熱血！仲要整個中文譯音先難頂，加里發夫。。。OMG

之後 Hea 下睇左陣《堂本兄弟》就出發做埋份 Part-Time。咁呢，呢個 Asia Games Show 應該改做 Asia Girls Show 吧，無乜 Games Show 反而好多 Girls Show。最誇張既 Booth 係 Brother，你地無睇錯，的確係賣 Fax 機個間 Brother。SCM 個 Booth 係正佢後面，個度 D 女 Models 多到呢。。。勁多麻甩佬左閃右閃，閃到眼都花埋。

由於個 Booth 係角位 + 出口位，好多麻甩佬係附件整理裝備，好恐怖。D 女 Models 都係一般料子，其實真係好麻麻，係靠化濃妝同著短裙引翻麻甩佬。Cosplay，不予置評，不過見到呢個野真係笑左出黎 ↓



我估下期 GameStation 會有呢位 Cosplayer 拎住本 GameStation 既相。。。係相到係咪見唔到好多人呢？其實都唔係架，都有人流既，不過個陣就係臨完場個陣。

咁之前都講過個 Booth 有乜特別，唔再講。咁據現場觀察，最多人 Buy 「滾珠」個 Game，係用一個裝左 Sensor 既 Controller 直接滾個珠，其實大家細細個都玩個類似既野。所以都好多一家大小、情侶玩，仲要玩得好好好開心個隻。

咁好彩另一位當值既同學比較熟，咁都無咁悶，吹下水咁時間都好快過，逛左陣發覺無野睇。。。$25 絕對唔抵！比想像中多人問野，問個 D 問題係答唔到佢，問 SCM 用乜 Software 做 Animation。。。呢 $44 / hr 唔易賺架！！諗住臨尾個一個鐘會無乜人咁可以 Hea 下啦，點知仲有人埋黎睇 / 玩，無得 Hea。。。不過都可以準時收工，超準時 2000 就收檔，哈哈。

係個 AGS 有用到錢架 ↓



$10 雞蛋仔，手信都買唔到，真衰！



2. 今晚晚飯超好食，阿娘去左「鏞記」買燒鵝、叉燒，我剩係食叉燒。鏞記係邊唔知，自己 Search 下應該好易搵到，好出名下的。真係好食到唔停得口，超掂！不過就貴少少啦，但係絕對值得！！

話分兩頭，約人去 Tea Buffet 都好喎，有無人有好介紹？Ayaya 都幾可愛，哈哈 ↓





2414，巧攰。早抖。That’s All.