2348，哈，SMS Send 唔到，NDS Connect 唔到 WFC，係 ICQ 同 MSN 都仲 Work 緊。我想 Send SMS 架，但係佢唔俾我 Send，陣間遲左先收到唔巧怪我。

2429，呢個 TVB 綠葉演員都唱得唔錯喎 ↓



---
2215，05 年仲有唔夠兩個鐘，快快手打埋個 Diary 先！

1. 一點起身。。。之後就玩 NDS，玩左陣 Animal Crossing，淋下花、買下野咁。之後又係 CS:S，不過 Update 完之後發覺少左好多玩開既 Server，反而多左好多廢既 Server。。。咁射下賊佬咁過左半日。

之後既時間就係度揸車，揸到手都攰累累。花左都有六、七個鐘去 Unlock 所有隱藏野，齊晒所有車、賽道，真開心。發覺用 龍王 + 吸塵機車 既效果唔錯，有噸位時又有速度，幾屈機下！

想了一陣子，究竟買唔買新 Game 好呢？隻《Mario & Luigi RPG2》好隻幾正咁，另外有隻《Super Peach Princess》都幾過癮下，不過無錢。Yea ~ 要勒緊褲頭！



2. 咁尋日買完 Keyboard 之後，佢問起個 Keyboard 有無中文字碼。我買個陣無為意，好彩有字碼，虛驚了一場。但幾日前，類似既問題發生在俺家中。

話說阿娘要用電腦打 D 野，咁兩兄弟都用緊電腦，咁就叫佢用 Notebook 打住先。之但係部 Notebook 無裝到速成、倉頡，之後阿娘再問起其他電腦有無裝到。遺憾既係屋企所有電腦都無裝到。。。無他既，兩兄弟都唔識速成、倉頡，都係用九方打中文，洗乜裝其他中文輸入法。

咁屋企所有電腦除左我自己個部都裝翻速成、倉頡，但係裝完之後發覺 Notebook Keyboard 無中文碼 (其實我個個都無，我個 Keyboard 係水貨。。。)，阿娘開頭要問細佬借個 Keyboard 黎睇住 D 碼，用左無耐發覺唔對路，最後印左張碼表過佢。都咪話唔麻煩，係咪應該花十元八塊買 D 字碼貼字貼落 Keyboard 到呢？但係我都唔用速成、倉頡。。。



3. 呢期聽左兩首都舊舊地既歌，係 Orange Range 唱既《花》同《キズナ》，兩首都係《藉著雨點說愛你》既主題曲。一首就係電影版、另一首就係電視版。都 OK 好聽喎，不過唔知歌詞點解。。。

呢個主音個 Style 好似 Sem1 某個 Tutor 既 Style，又係黑黑實實，周不時著黑衫黑褲，留鬚 ↓



PS. 幾型既。。。不過要同個人襯先得，唔係就弄巧反拙。



4. 大除夕，例必好多人出街，真係俾錢我都唔出街唷，人多到死。。。係屋企 Hea 下抖下都 OK 啦。阿娘同細佬去左尖沙咀某間 Hotel 食 Buffet，2200 – 0100，同埋佢 D 舊同事，佢地就係 Hotel 中倒數！

大除夕倒數好正常，但係點解聖誕節都要倒數？！ I don’t understand …



2257，趕得切！係時候要準備一下，沖過涼先。That’s All.