2348，點解 D 人可以咁無賴！！

今朝十點幾就撘車翻 City，咁呢。。。遲左少少到，唔開心。。。咁樣跟住就同埋另外兩個同學行去 General Office 問係邊度拎乜乜 Letter，結果行錯地方。咁開頭以為係 Hea 爆既 i.Cafe 拎，但係個度又無 Staff 架。原來係去 Career Centre，咁搞一大輪再填一大輪野交翻 D Form。可惜既係意為可以即刻做到 Payment，點知原來要等 D Staff 處理下先，結果就係下個月先過到數。。。聖誕禮物變左新年利是。。。

咁之後其中一位同學離開，咁我同另一位同學就落左旺角食 Lunch，一間係女人街旁邊既食肆，好唔好食？唔知點答，不過唔係幾岩我食，我要 D 少份量既野，哈哈。價錢都 OK 啦，可能因為無學生餐所以無學生幫襯。。。

食完都差唔多兩點，咁 Call 肥仔出黎順面拎 Notebook 電。等佢期間落左灣仔電腦城，逛左個圈無乜特別，係 Harddisk 幾平下。咁再行去 188，NDS 已經缺貨，得翻黑色、少量銀色、極少量紅色、粉紅色。我仲想話買白色添，看來呢期都唔會有貨！真衰，D 熱門 Game 都缺晒貨。。。

再逛下 298，買左 3 對 $5 既耳綿，不過質素麻麻地！算！咁說時遲那時快肥仔就到步，他講大話坤狒狒話唔得閒，真無賴。咁佢有錢就身痕，想花錢買 SD Card，但係可惜係 298 同電腦城都睇唔岩，真開心！

咁之後就坐地鐵落鰂魚涌拎 Notebook 電，兩條盲毛唔識路。。。個頭都幾中環 Feel，街好大風！個 D 坐 Reception 既人超冗員！無野做傾私人電話。。。舊電個盒好巨咪，肥仔又唔拎袋，哈哈。結果要夾住走。

之後行去太古城中心銀 __ 買墨魚丸食，都幾多人買喎。咁肥仔出大份錢，我出少少錢。因為做唔慣無賴，所以要搵個地方食，最後去左 UA 個度食。有個 BB 女超可愛，我笑佢又笑，大家齊齊笑！回程個陣見到某間學校既女生既裙超短，條裙最短個個最靚，不過最早落車，坐對面個外國人仲眼甘甘望到實。。。

咁係銅鑼灣 IKEA 個度買左 $3 爆谷，平到咁既。。。之後去糖街逛下，去左附近既新商場。個新商場超恐怖，好似 BioHazards 實景咁。。。之後輾轉翻去皇室堡電腦商場，無野行，衰。見未到會合時間，行左陣 HMV。夠鐘就去會合地點，都好多人到左。

到左無耐 +hung 就到，同之前 +hung 通個電話，肥仔講笑話叫佢提出加人工既請求。+hung 以一貫認真既方式開會笑同 D 同事講，個位同事對佢笑左一下。點知無耐個位同事就打電話叫佢聽日唔洗翻工，即係俾人炒尤。。。個位同事係老細個女黎，咁樣死真係陰公。。。結果 +hung 成晚就好唔開心咁過。

咁樣到左應該係新開既 Paris Cafe，咁都有廿幾個人，執執枱就埋位。個角位真係好絕，點坐都好似唔知點咁。。。咁最後最後，係肥仔坐左。。。真係屈委晒。之後好有大排檔搶野食 Feel。枱頭有食物送黎，就要不斷重覆食物內容，係咁「鴨胸、腸仔、意粉、茄汁」類似既說話。。。有人食錯左，個個係肥仔。如是者最後都有得食。

食完就各自各 Hea，傾閒計咁。有「賓果」玩，好黑暗，全部都係文科人中，不爽。。。菁姐說不要投身教育界，香港教育係一潭死水。。。再之後又 Hea 玩 UNO，真係好無賴，D 例都唔知係咪咁既，靠屈！？算吧算吧，年代唔同，我玩個陣係連 Cut 牌都無架，無老點！埋單位位 $40，都 OK 的說！

好邪，去既時候又係停 13 樓，走個陣又係。。。之後我係最快上車個個，真爽！之但係翻到屋企發覺個身好大陣煙味，真係臭到暈，好憎人食煙！！之後再發現件褸個袖「Hi」左 D 油定 Marker 筆，唉，唔知點好，真係好無賴囉。。。到我好唔開心！！真係好唔開心，講真的！

之後同阿娘訴苦說點解會污糟左架。。。無理由架喎，點解咁無賴架！？再之後 Alice 發現 NDS 某 D Game 非常吸引，實在太美好了！再之後之後同肥仔訴苦說點解會污糟左架。。。聽日見唔到我著呢件褸 lu。。。真係好唔開心。

2438，講完，唔開心。。。That’s All.