1. 聽日去灣仔買絲帶 + 買埋 D 禮物仔，仲要去 Hallmark 買卡！
2. 邊個話SOGO 九點關門！？原來成十一點定十一點半先關門。
3. 去嘉豪打邊爐搵我，夠近！
4. 這個飯團食得偶巧開心，本來想叫埋你，不過禮拜六無叫到，今日禮拜日先叫好似急左 D。。下次邊爐實搵你！
---
岩岩夜晚十二點正，翻到屋企沖完涼 ~ 本來諗住早 D 出去灣仔買絲帶，點知遲左出門口，之後去商務睇下有無，點知又唔岩心水。途中見到好多外藉傭工。。。多到見唔到香港人。。。頂，四圍都係外藉傭工，行一大段路先到 SOGO 集合。。。之後又以相同路徑行去和民，點解唔係和民度等呢。。。

見太多人，要等好耐就行左去 TimeSquare 個間和民，等既人係少 D，不過都等左好耐，三個人每人食左八十零蚊啦， D 野都 OK 啦。原來 D 枱椅有編號的。。食到九點鬆D 先走 ~ ，下面就係張單 ~



之後行去 CitySuper 睇下野，想買 D 野咁，發覺好多野都幾無聊下。。。貴又係另一個大問題。之不過有幾樣野唔錯，一就係個度 D 雪豆公仔，係真架，好好 Feel，正過 SOGO 個 D 港貨 (仲要用箱頭筆畫口。。。頂) 。另外就係值千三蚊一個既龜殼背囊，開頭幾個人仲係度話個龜殼樣衰，點知望下價錢成千三蚊個。。真係個個「O」晒咀。。。個龜殼同一個流動夾萬一樣，俾車撞都唔死，擋子彈都得！完全超值啦。 XXD 想出街安全 D 既記得買翻個旁身！

呢個就係 AXIO 出既價值連城龜殼背囊


之後發覺個度無得再賣 D Cutie 熊仔暖水公仔！！！真係可怒伊。。。賣晒。。。頂。。。即刻晴天霹靂，後悔點解當初唔買呢。。。好彩之後係 SOGO 見到都有類似公仔，都好過無，不過原版真係好 Cute 好靚的，送禮自用都好，可惜買唔到。。。

對 CitySuper 既 Comment ： 真係好貴。。。貴得有D 過份。。。動輒都百幾銀。。。都係 SOGO 可愛 D。見到個度 D 禮品都係差唔多款，不過平好多呢。

---
我呢個愛睡鬼頭先又睏左個零鐘午睡，真係好幸福。Gundam vs Zeta 好好玩，好搞笑。UC Mode 既我方 NPC 機係削弱玩者用的。。。都唔係援軍黎。。。無言。



講到呢度，要喊句：「飯團裝攻！」。係時候準備出街買野 + 食飯。今次連續唔出街日數都係得幾日，最長個次數過係十九日。哈

動畫列表條 Link 已修復
---
發覺 Download 埋好多好多動畫，但係一 D 都無睇過就燒落碟。。。之後隔一排可能以為個 D 係新野又再 Download 過。。。試過幾次。不過最激氣就係無啦啦放左 D 新 + 質素高 既 DVDRip 出黎。畫面靚到呢。。但係最衰之前放 D 差質素個陣已經 Download 左次，無理由再 Download 多次架。套《龍珠》就係一個好例子。。。家陣有個 DVDRip 粵語版放出黎，之前得個差差 VCD 國語版，又想 Download 多次。。。激死我！

我既動畫列表：[Click Here]
如果大家想要邊套動畫就話聲我知，等我 Send俾你 / 燒隻碟過你 ~*
---
馬蘭奴飯團組成！今晚目標 → 銅鑼灣和民！
---
今朝好多樣野都完成晒，Download 左好多日既《幪面超人 Black》、《Love Actually》終於完成。之不過套《Love Actually》DVDRaw 好似係要用 DVD9 碟燒。。。搞到 Download 完都無用。。。唔通要買過部新既 DVDRW？！

暫時叫做溫完一科。。。又要埋頭苦幹另一科。。Da …↘