2524，

種族大清洗。。。

點解揀中我。。。原來可以咁玩既。

---
2143，坦白說，都仲係好攰，Hea 幾句吧。

將房個個鐘同放電腦枱既鐘掉轉，無晒「的的達達」聲，尋晚超好睏！不過都係睏唔夠就要翻 City，呢個 Lecture 學睇片，就睇樣，個 Lecturer 無乜野既，係兩個 Tutor 其中一個女 Tutor 好似比較 Harsh D，唔岩我 Style。咁呢堂有 Notes 派，要填窿窿，不過好易 Miss 左。。。

十二點就落堂，約左 Wilson、阿海 1400 @ 旺角，有成兩個鐘都唔知去邊 Hea 好。。。最後落深水埗睇下 NDS，得翻寶源有貨。隻 Lost Magic 無貨。。。想買都無得買，其他個 D 就大把貨。睇完之後去旺角先達睇，高田阿伯話聽日可能有貨、孖 T 就話 20 號再去睇下。總結來說，都係未有貨。之後想去皆旺既，不過有多少迷路既 Feel，所以都算了。

之後都仲有成 35mins 先到 1400，去左新世紀廣場大眾書局睇書，企到好攰，皆因孭住好重既野。。。聽左好耐書阿海就到左，由於攰得好緊要，上左去 Food Court 到坐。咁期間發覺好堅喎呢兩條扶手電梯，中間位置跨層咁上 ↓



等左好耐終於等到 Wilson，佢 1445 先到。佢開頭一路話禮拜二、四係 Day-Off，原來佢講錯左！係禮拜一、四。等左幾耐。。。咁就去鋪位 298 既 Pokka Cafe，去到都無乜人，皆因頗貴。。。其實都唔係既，係個段時間又完左 Lunch 但未到 Tea。。。

咁吹下水、佢幫我打電話問 School Helper 既野，最後個 Supervisor 打翻電話俾我要問佢拎 Hard Copy Time Sheet 再拎去 General Office。終於完左件事，好！兌現翻杯 DIY 朱古力咖啡，大家估下 1、2、3、4 係乜野黎 ↓



哈，1 就係奶、2 就係用黎 Refill 既咖啡、3 就係有個火暖住既咖啡、4 就係朱古力片。至爆笑係問 D Waitor 都唔知點樣整。。。最後佢地當然知啦，而且仲分別唔同人黎講解 3 次，服務果然唔同 D，解都解 3 次。。。

坐左好耐，三個鐘之後 Alice 來埋「試玩」同「交收」，真係衰，竟然唔知鋪位 298 係邊。。。都唔知係唔係係旺角、太子區住既。。。玩左陣 NDS，係咪唔錯呢？絕對買得過！有假放真係開心。。。之後埋單有印仔 Dump，一口氣 Dump 7 個，哈哈，有 3 個係 Free 的。

如是者就歸家了，聽日有個 Temp Day-Off，真興奮！

2205，抖下先，好似好耐無打機了。。。That’s All.