2333，好！開始！貼下圖算了

1. 今日本週刊印得真係幾靚，個 Design 都好掂，至鍾意佢個個好自然既漸變色 ↓



除左週刊外，仲有「利是」。裡面當然係一 D 「Luck」黎啦，真係幾有心思 ↓



哈，想影好耐架喇。呢個就係睇住佢起既豪宅 :: Residence Bel-Air 貝沙灣。哼，男廁門口既無敵大海景就俾呢塊板遮晒！！ ↓



棟樓中間個窿有乜用呢？唔通係用黎做花式飛行表演！？還有數碼港既另一期既住宅，相比貝沙灣個樣無咁型，不過都係豪宅來呢 ↓



夜晚華富村都幾靚下 (亦都幾危險。)，燈火通明！村口個排咸水樓好掂下。等我諗下邊面攞景，諗好就去影翻張相！另外女人街都幾掂，不過要搵日放夜先有機會影到。最好有個人陪啦。



2. 回到家都係百無了賴，新年流流就血濺街頭，打 CS:S，真係大吉利是。繼續撈，好慢。。。慢得好過份。如無意外明天應該有得睇《魔幻王國 : 獅子‧女巫‧魔衣櫥》，哈哈。遲下睇埋套《哈利波特》先！

晏晝有 D 悶悶地，今天細佬終於發覺我部 NDS 唔係我手呢，太遲了。部 PS2 又唔係度，仲想話 Hea 陣添。最後去睏晏覺，幸福！夜晚呢套《Spy Kids2》幾搞笑，呢個女仔幾省鏡，Alexa Vega ↓



1988 年出世，不過依家大個仔又好似無咁靚了。



3. 拜年。一個與我頗陌生既活動。但係真係想講句，拜年還拜年，千期唔好太早或者太夜，影響人就無謂吧。這個家我有份的，太夜來拜年都阻住我嘛，太早又未起身又無謂啦。還有就係話左幾點來就請準時，遲左又煩，等又唔係唔等又唔係。好阻人架嘛。

暫時以上個三個不要得的拜年習慣都仲未係我家發生既，但經驗話我知係會發生的。Please, 不要那麼早或夜, Be On Time.

雖然我唔太熱衷拜年，但係拜年都唔係差既。第時老左都一樣會去拜年既。咁得兩兄弟，唔係我去細佬到拜年就係佢黎我到拜年，或者去埋兩老家拜年。又或者去下 D 朋友家拜下年咁。雖知道新年流流，無人黎拜年都幾 Dry 架！



2417，聽日唔出街係屋企 Hea，呵呵。That’s All.

---
0915 今天是 ↓

大年初一！

哈，還是老模樣吧。大家要開開心心過新年！特別係岑健同學，生日快樂！上次 Miss 左番皂個次生日有多少不甘！