2111，今日終於可以抖下。。。

1. 為了減少接觸時間，今日特登睏晏 D，晏到一點幾先起身。一起身就去郵局拎掛號信，係強積金既野黎，不過現時同我都仲未有甚麼關係。。。回家前諗住買 Lunch，點知大家樂已經上左下午茶既餐牌了。。。

食飽飯 Hea 左陣，今日 D 朋友仔好似知我無野做咁就打電話俾我。一來就係阿欣，嘿，好耐無見無傾閒計了，真開心！仲要偷偷地翻緊工個陣打俾我，keke，終於聽到妳個句野了！做乜唔話我知個 D 事啊，等我可以關心下妳嘛。

之後無耐就到肥仔打黎，他的日本旅行計劃閣置了！真係大快人心。唔係既，咁樣慳翻 D 錢嘛。肥仔就好啦，又有錢 Fing 又有工做，我就乜都無。。。人又老、錢又無、老婆又走佬。。。啋！話時話 Nikon S3 水貨唔過 $2000，真係買得過喎！



2. 呢期發覺好似睇左好多戲咁。。。呢期又有套想睇，係著名既《Pride & Prejudice (傲慢與偏見)》。有靚靚女主角 Keira Knightley，之前睇《Love Actually》已經覺得佢好靚，今次佢做女主角令睇既意慾大增 ↓



可惜香港 Feb23 先上，應該同唔到阿欣去睇了。。。不過唔緊要，邊個想睇我陪佢去睇，嘿。又撈左個「流出版」翻黎，睇下幾時睇左佢先。呢套戲係 IMDB 有 7.6/10 呢！

哈，我唔睇港產片！就算係好似《霍元甲》個類外國投資香港製作既片都係唔睇。不過可能好快就要打破呢個事實，如無意外，短期內會睇《92 黑玟瑰對黑玟瑰》。。。迫住要睇，無計。。。CM 既科真係令人煩惱，一個拍片、一個睇片。。。



2228，明天還是一樣要翻 Full Day。。。4 日 Full Day 都咪話唔攰。That’s All.

---
1530，《Munich》可是一套反．反恐既電影。其實一句到尾，都係想「World Peace」。但係世界和平又談何容易呢！這個世界根本唔會有一個「共識」，宗教、種族、民族情感等問題要完全解決可是十分困難。部份阿拉伯國家在美國眼中可是邪惡的根源，但相反美國又是那些國家的魔頭。

「World Peace」可是遙不可及既東面，除非每個人都做到「愛你們的仇敵．為那逼迫你們的禱告。」，唔好話國家大事，有好多時大家也不就是「以眼還眼、以牙還牙。」，只是那些事可能是比較雞毛蒜皮。

1920，大家唔好覺得驚奇個網自己 Load 左一次，其實係 Redirect 左去另一個 Address。咁都就快會轉 Server，咁大家試下新 Server 個速度、穩定性如何吧，千期唔好 Bookmark 新個條 Link，遲下就算轉完 Server 都係用 Vitason.info 的。