2132，聽 4。。。

1. 今日終於睇左《Pride & Prejudice》。小品愛情電影，我深信有人會覺得悶。平心而論，呢套戲唔算得上賺人熱淚，但都 OK 喎，我鍾意，有靚人靚景！遲下戲院上既話大家都要去睇睇呢！Keira Knightley 真係巧靚！

金句 ↓



PS. Mr. Darcy ... 俾人「好人當賊扮」。。。



2. ↓

娘：「朋友還翻部機俾你喇？」
俺：「係啊」



其實我呢期唔急住打既，所以唔洗介懷咁遲先還翻俾我。今日日本老任舉行了發佈會，有好多消息發放呢！！剩係講下有乜期待 Game 啦 ↓



仲有 Winning DS 同 三國無雙 DS，不過興趣就不大喇。要努力儲錢！！



3. 呢個係題外話，原來 CSL (One2Free、1010) 同 新世界係同一個網絡。。。另 CSL 家下既老闆係澳洲既 Testra，而唔係 PCCW。而 Sunday 既老闆就係 PCCW，之前俾 PCCW 收購左。



2214，夠鐘食藥！That’s All.

---
1244，襯仲有知覺 Hea 幾句先。

睏到差唔多十二點，本來想睏耐 D，但係就想睇醫生，到咁上下就電話響 ↓

娘：「今日好去睇醫生喇」
俺：「睇下點先啦，下晝睇下點先喇」
娘：「無乜野嘛，你把聲變晒既」
俺：「係啊，剩係變聲唧，無乜野」
娘：「記住打埋針」
俺：「打乜針？！」
娘：「流感針囉，打支針快 D 好」

。。。乜流感針唔係預防流感！？已經染上流感係咪無用架？

如是者就落街睇醫生，睇翻之前間接整聾我個位醫生。醫務所門口大大隻字貼住「流感針冇貨」，真係想影翻張相，總覺得係好搞笑。都 OK 多人，但係個個病症一樣，話咁快就有得睇。真係咪講笑，有多少俾個女助護抽水既 Feel。。。之後探埋熱，看來都係驚唔係普通流感咁簡單呢！

1305，另一個電話 ↓

娘：「睇左醫生未？」
俺：「睇左喇，咪又係傷風感冒」
娘：「有無打針啊？」
俺：「無啦，貼晒紙出黎話無貨」
娘：「唔係禽流感嘛」
俺：「佢仲驚過我，咪又係感冒」
娘：「有無同佢講隻耳仔有事啊」
俺：「仲敢同佢講，佢整聾我架喎。咪又係早 D 睏、睏多 D、飲多 D 開水」
娘：「你應該同佢講話睏唔著」
俺：「睏唔著要同心理醫生講架喎」

。。。