1901，由上個再上個禮拜日開始日日一目標去清 Assignment，到今日星期二終於清晒！可以 Hea 翻幾日啦！哈哈。

2359，哈，好有放假 Feel 添！

1. 哈，今朝早左多少起身諗住打埋份 Networking 既 Assignment，但係打唔夠三分一就要出門口。今朝屋企樓下有 D 阿伯阿婆替某某非牟利集團賣「福果」，其實係一個橙黎。其實都有多少意思想買架，之但係買左個橙之後點處置佢呢！？因為諗唔到所以唔買了。

今日睇片堂又播片睇，今次係播睇左都 OK 多次既《功夫》。。。Shit ... 仲諗住可以做下 Networking Assignment 添，熄晒燈點做。。。落堂之後見到個 Tutor 等 Lift，Hea 左幾句，超掂啦，我話應該行下樓梯行多 D 路，之後個 Tutor 話行得多會傷「失頭哥」，無言以對。。。之到 Lunch Time 有個建議就係不如 CM 人人整個步行計算機，行夠幾多步就有 E-Money 既回贈！咁呢，上堂時間無野做大家就唔會行路，而係「Chok」個部步行計算機。其實最應該整個類似「上一層下一層，請使用樓梯」既牌係當眼位置啦！

Lunch Time 去左 KFC，唔知點解今日大家咁有興致，係 KFC 見到 Wilson with Classmates 又見到 Anffany with Classmates。。。呢 D 咪就係有緣，唔洗約都可以見到面！

Lunch 完繼續做 Assignment，哈哈，本來諗住走堂既，但係突然如慣例取消補習，我都覺得無乜所謂了，放棄佢地ed。咁我就唔洗走堂，個堂 Networking 既 Tutorial 真係好值得上！又多爛 Gag 聽！！禮拜二呢堂正過禮拜三個堂好多呢！！



2. 夜晚又到左是日高潮！就係打邊爐！因為夜晚要補習，所以大家要就我，去左華富打。我已經未夠九點就落堂行上黎架喇！但係最遲都係我。。。成晚都好爆笑，個個無飲醉但係都語無淪次。。。



大家係度撈乜 __ 呢！？原來大家係度搵「脊髓」食。。。



成晚就在一片歡樂聲渡過，咁先係生活架嘛！不得不提既就係肥仔今日個 Look 好似剛剛由大陸公幹完翻到香港咁，又有鬚根又格仔恤又黑帶錶。 +hung 就謝晒，原來因為洗完頭。豺狼無見一排又型左，不過上次見佢個陣仲係大佬 Look，哈哈。

2426，聽日 Day-Off，正！！聽日要做既野就係過數同開戶口！That’s All.