2232，哈，聽日終於 Day-Off 了！

1. 話說尋日 Internet Programming 個個 Lecturer 發爛炸，其實我都係聽翻黎既唧，佢係度話「俾 D 反應我好唔好？」。其實呢，無反應就真係衰 D 既，不過真係唔知俾乜反應佢。學生無反應，教個個就幾無癮，但係學生無反應都無乜辦法，所以算佢唔好彩啦。。。亦都可能因為感到沮喪，今朝個堂 Tutorial 佢曠課？！不過都唔關我事，尋日上左。

上完睇片 Lecture 又 Lunch 完之後去左 Library，本來想溫書架！可惜去左打《聖劍》，打到頭暈。。。之後上左好值得上既 Networking Tutorial，今堂又勁多爛 Gag 笑。



2. 咁拍片又有一份新既 Assignment，咁呢，今次就係要有聲。大約就係要拍 D 聲畫，之後再剪埋一齊好有節奏咁。題目就係「My City」，咁又要靠大家幫幫手諗諗個段聲既 Melody，同埋有乜野聲係好有「My City」特色，咁我就要係短期內開工了。

上期個拍片「About Myself」尋日就交左，咁聽翻另一 Group 人講有位同學段片超 Hea 但係超正。拍個位同學稱為「A」，咁 A 就影住另一位同學稱為「B」。B 就爆晒粗叫 A 咪影，咁 B 又問呢份係邊個俾既功課，A 咪答佢阿邊個邊個。跟住 B 就狂爆粗 __ 阿邊個邊個，又話洗乜理佢咁上下既說話。

咁到真係 Present 段片個陣 A 就未經刪剪打格就原汁原味咁播出黎，個位阿邊個邊個 Tutor 一味係度笑。同學 A 果然貫徹佢既人物性格！另外有位 Hea 人雖然佢段片既名叫「頹廢生活」，但係段片某 D Shot 都影得幾好，我覺得絕對唔 Hea 喎！



3. 小組補習。上個禮拜一晚狂補數個位學生個 Test 都算 OK，32/35，其實都唔關我事既。不過正正因為呢件事，個位學生似乎好 Buy 呢個方法。今日佢都話太遲話我知要 Test，搞到個晚溫唔切。

又有另一位學生聽日 Test Math，可惜又係今日先話我知，仲要 Test 3 課。今日盡補都係得大半課，呢 D 咪就係衰格囉。不過我地超賤格話佢聽「你今晚早 D 睏啦，你聽日都係唔得架喇。」，佢都無言以對。好心啦，都叫佢地盡早話我知幾時 Test，咁我可以安排下 D 時間同佢地單對單補下。又唔聽我講，至憎人唔聽我講！！



2258，聽日好多野做，但係最想做既「剪頭髮」做唔到，幫襯開個間理髮店逢禮拜三休息。。。聽日應該全力溫書再加做 Assignment 架喇。That’s All.

---
1556 @ Library，哈，應該要溫書既，但可惜既係已經 Hea 到要上堂咁制。隔離位既同學已經入睡並且打緊鼻鼾。我都想睏下，哈哈。