2322，呢 D 天氣真係好易病，忽冷忽熱。。。

今日係屋企研究左下個 Internet Programming 既 Assignment，係要用 JavaScripts 寫一個 Game 出黎，諗好左寫「撞磚」Game。當然唔係傳統撞磚啦，有多少花巧野玩啦。不過唔知要幾耐先做好呢，禮拜三就要交了。之後仲要拍片。。。好忙！

今日襯有 D 時間去剪個髮，今次好滿意。無講到話個陰要留一執左長 D，但最後師傅幫我留左，非常好！之後回家食個 Lunch 就出動去補習。Form 1 個位進度唔錯，追得上學校而且佢又識，真係有進步喎！雖然都仲係有多少唔記得，但係講幾句都幾得翻晒啦。同佢都有講有笑，傾閒計時間都唔算少吧，可能因為進度快掛。

反而到 Form 2 個個，真係令我無晒辦法。又懶又蠢，係咪唔應該講到咁盡呢？但係真係好激氣，補左四堂，堂堂都講圓面積、圓周點計，次次都唔記得。其實基本既野黎，小學都學過啦。面積又唔識計，下下都話邊長乘邊長，三角形都邊長乘邊長囉。仲要斷估，幅圖畫到似就當佢係一樣，仲同我講話幅圖係一樣喎，洗乜計。真曲街！要條條數都逐條一齊計，單挑就計唔到，唉。

翻到屋企當然要講幾下，依家睇下佢今次 Math Test 成點…，如果咁既成積都可以係 Mean 或者 Above Average 當然就唔理佢啦。如果 Below Average 好多既話，真係要同佢家長傾下個問題。可能唔同佢補落去了。

咁可能有人話就係唔識先補，我都認同。但係如果補完同唔補都差唔多既話，不如真係唔好補。補一次都舊幾水，對於一 D 收入唔係話太高既家庭其實都好多了，我又唔想話浪費佢 D 錢。依家我就係賺人地既血汗錢，補佢補得唔好我自己覺得過意唔去。可能係我教法有問題所以個學生無得著，亦都可能係佢問題，又或者就係唔夾。總之就煩煩地啦。

頭先同屋企人又再講過下，應該下次見面會同佢家長講下瞭解下問題。我真係想個學生好，但係學生唔好，我感到有壓力呢！我依家終於深切體會到點解五萬教師有萬五人有情緒病了！

2339，擔心完個 Form 2 學生之後，唔係擔心 D Assignment，係擔心肥仔。。。That’s All.

---
0939，尋晚講左句好正既 ↓

俺：「依家全職 Part-Time，個 Schedule 係好密。但係有乜所謂呢？反正都無拖拍。」
W：「如果可以 Keep 住咁既諗法到三十歲既話，咁三十歲就結婚都唔錯。」

1004，點解 Poly 會有咁多花花草草、又有 Grand 透的 M Core Y Core、又有 Oliver’s SuperSandwich、又有 7-Eleven、又有更多的靚姐姐。同樣地 City 就比下去了，剩係拎 D 錢去整廁所！！由於突然對 City 既不滿以幾何級數增加，今日決定自製 Day-Off。尋日翻晒所有「翻學 Quota」了。。。