2307，哈哈，真係笑死我！

1. 家下先醒起個位 Form 1 學生問左好多好有趣既問題，咁當然答到佢啦！不過有 D 真係好得！

．D Urine 同 Semen 會唔會同一時間痾 / 射出黎？噫，咪同飲緊野個陣唔可以透氣一樣！

．點解 Sexual Intercourse 個陣，女性都要 Excited 同埋 Vagina 要 Moist 呢？道理咪同挖鼻屎一樣，個鼻孔乾既話挖鼻屎咪會痛。有 D 鼻水既話咪無咁痛，但唔代表一定唔痛。

仲有好多好多，不過唔記得了。還有就係呢，「臀部大 = 好生養」其實係有根據架！女性盤骨前面其實唔係連埋的，而係有個「小空隙」。咁生 BB 個陣盤骨就會微微的掹開呢！所以唔好笑 D 女仔 Pat 大啊，正常架！



2. 今日去左賺外快，兩舊水。那位 Form 5 的妹妹有件好有趣既事。呢期佢拼命食木瓜同飲鮮奶，一講起個陣都 Feel 到有 D 唔對路，唔係想豐胸嘛。點知真係囉，咁芳間盛傳係 Work 既，但係佢家下都咁大年紀，依家先拼命係咪遲左 D 呢？！買個嬌型 + 合身型既 Bra 好過吧。

家下大部份女仔都係「平胸」，其實係同「進化」有關的。咁依家都好少人再用母乳餵 BB，咁自自然該方面既「需求」就少左，咪自自然「進化」變細 D 吧，話退化都得既。

其實大家細心留意下既話，四大文明古國係比較多人戴眼鏡架，都係「進化」來的。咁古人要打獵，咁 D 獵物好 __ 遠架嘛，咁自自然望遠野好 D，咁相對地咪變成近視眼。但係依家社會邊有咁多遠野望，咪要戴眼鏡呢！



3. 小組補習都係 Hea，講真，邊有咁多功課做。。。當年我 Form 1 個陣都唔多功課啦，都唔明點解日日都要補。擺到明係托兒所啦！真係好悶囉，但係坐係度個半鐘就 $120，係無野做既。但係有時覺得，我既青春白白的流走了。。。聽日有兩個學生自己放自己假，即係得翻兩個，真係要帶 D 野去做 / 睇先得了，無謂浪費時間！

回家後看去四月新番 → 「Girl’s High」↓



笑到反肚！！但係好多小褲褲呢！兒童不宜。



4. 尋日朝寄既野，有人已經收到了，仲要係新界添！點解反而南區都未收到既。。。郵局真厲害。

本來唔係一件好笑既事，但係以 +hung 既腔講「阿爹」就好搞笑 ↓



點都好啦，大家收到既話話聲我知，睇下今次寄失率有幾多吧。Thank You。



5. 呢期好似悶悶地無買新 Game 玩，呵，呢隻 GameCube 好正 ↓



係玩聲控人群 + 波子機，超爆笑！等我睇下賣幾錢先，唔太貴都入翻隻。部 GameCube 可以解封了！大家 Click Here 睇下玩乜啦。

另外唔知 NDS Lite 幾時出行貨呢。。。唔係話依家買唔好，不過費事用變壓火牛啦，嫌麻煩。出行貨又平 D 呢！今日因為某人既關係，挑起左買新 Game 既筋。NDS Game 呢期當然買「Metroid Prime Hunters」啦！「Tetris DS」都好似幾好，不過單打悶 D。下個月出「New Super Mario Bros.」就一定捧場！！仲有美版「腦練」！

真係好多 Game 想買，但係想買部 NDS Lite 先。用新機配新 Game，係咪一流先？哈哈，無錢呀！！



2344，今日呀，晏晝倒瀉左杯士多啤梨新地。。。衰左個蓋「級」唔實，都唔係第一次架啦。結果都有得食既，不過無晒 D 士多啤梨醬。。。唔制！大家安慰下我吧。That’s All.