1058，遲左起身，又睇唔到「可有記起愛」。。。唉。另外 Wilson 同 +hung 分別對某些事有意見，再唉。。。

2055，今日は　友達と　ご飯を　食べます。肥仔さんは　不快です。＋ｈｕｎｇさんも　不快です。

今日繼續聚會，肥仔晏晝打電話叫我唔好遲到。點知我去到 SOGO 既時候，佢仲未撘車出黎，呢 D 人真係令人火光。連 +hung 都近乎準時出到黎，你話肥仔係咪好唔應該先。

肥仔今日好多不滿，又話人地把刀唔好揸、又話個水杯核突、又話舊扒難切、又話 D 湯好怪，不滿多如天上繁星。咁多不滿又唔寫 Card 喎，就寫低晒有乜意見！分分鐘贏大獎！肥仔真係變晒。

愛情的確會令人轉變，肥仔就係當中代表。話說兩三個禮拜前先散左，點知一個月唔夠就有新歡。短短一個月就見到佢既轉變，呢 D 咁既人真係 ... 早應該咪理佢，由得佢自己摺，浪費晒我 D 關心。仲有仲有，佢今日又唔肯講佢有新歡喎，但係自己尋晚又好主動話俾人聽。唉，難為了 +hung 了。。。+hung 好慘。。。但係我真係唔明點解咁快就會搵到個新，原來肥仔係咁厲害的！點解我 (們) 還是這麼霉。。。唔該大家多 D 關心我。

肥仔好不滿、+hung 又因為肥仔唔肯講野過佢聽又好不滿，+hung 仲對 Pokka Cafe 既洗手間都好不滿。。。而肥仔不滿到好掛住關燕玲。。。Shit ... 咁多不滿，應該寫個張顧客意見卡啦！因為間野好悠閒，連 D 侍應都好悠閒，悠閒到成日漏單。搞到有餐前湯同餐後湯。。。連埋單都漏單！係我錯，我認衰！我應該同侍應講「唔該我地有個「埋單」係咪漏左單？」。豺狼最滿意就係個個 Trainee，哈哈。

之後逛下街，真係講句 __ 街。行左一條就見到肥仔 with 肥仔新腿 ↓



三個人，三個都話佢兩位行得好慢好慢，真係慢到嘔，慢到想打電話同佢講行快 D。都唔知佢地係咪特登既。之後終於係三越見到面，大家都話睇唔清楚，見唔到。咁肥仔有空就要帶人地出黎吃下飯啦！我總覺得肥仔家下係好開心吧，如果唔係佢唔會有咁既行為。根據他幾次經驗來說，他不能無愛情呢！

之後去 Time Square 見到有幾隻 Cutie 兔仔 ↓



不過隻隻兔仔都患有小腸氣，隻隻都大肚。。。



就係睇緊兔仔既同時，又見到肥仔 with 腿。。。天呀！我地黎先架，唔係會錯意我地三個係變態 + 無聊 + 低能玩跟縱吧。。。

豺狼講左句好正，我地無「旅行」去，因為無女同行，只可以係「遠遊」。肥仔依家又要去「旅行」，真係呢。。。早排仲話努力搵錢，Shit！不過有 D 八掛野我真係好想知喎，搵晚 Chok 佢講出黎先！另外 19” 同 17” LCD Mon 差 $200 咋！好想換 Mon です。

2106，Well，今日就係咁多了。That’s All.