1. 哈，好開心，今日得九度都凍我唔死，反而都 OK 活躍下。點解偶可以係寒冬裡咁活躍？呵呵呵，皆因今日有備而戰！ (其實尋晚已經準備好晒。) 偶既禦寒裝備 (係禦寒，唔係保暖，禦寒有更多既作戰 Feel！) 有綿襪 + 長綿褲 + 綿手襪 + 超級暖內衣 + 長袖羽絨褸。真係暖到出汗呢，如果再凍 D 的話可能要戴埋頸巾 + 戴帽。今日出街反而比係屋企著少左衫，起嘛無戴手襪同著羽絨褸，不過戴左頂帽，原來頂帽都幾擋到風的。
2. 咁尋晚偶點過呢？無他既，拎翻張羽絨被出黎，自己就夾係張冷氣被同羽絨被中間，著多件超級暖內衣，(某個腔調) 又真係超暖 ~~* 之不過可能就因為咁侷親。。。起身食左兩粒止痛餅，另條頸好痛。。。 ￣▽￣∥
3. 今日特登出街諗住剪頭髮，點知間理髮店無開，白行一轉。。。頂！！之後落灣仔睇下有無個樣野賣，點知賣晒！！心諗無理由乜目的都達成唔到架，就撘地鐵過海睇下有無得賣，哈，咁岩比我搵到就買左翻黎，個樣係乜黎？聽日影相過你睇 (哈，係咁無聊 ~
4 X 。。。真係你老 X 。家陣凍我唔死但係悶死我！！放假都無乜用。。。 D 朋友仔都唔得閒。。。有人要翻工，有人要溫書，有人要溫仔 / 女。。。真係悶到我死。。。之前個排係咁睏晏覺都係唔想咁得閒。。。之不過睏太多真係唔太健康且浪費時間。突然間想搵翻份 Part Time 做下，不過偶做得 D 乜呢？其實大約幾錢時薪到叫合理呢？之不過放得兩個禮拜多 DD，都真係唔知做乜好。自己其實都應該有 D 野做，不過都係心情問題啦，唔太想做。。。蠻悶的說。呢個 Moment，終於明白點解退左休既人話悶。。。好悶！！
5. 偶想問點解你地咁易搵到 Part Time 做既？？大家時薪係幾多呢？每日都翻工？一次翻幾耐呢？係點樣搵翻黎？得閒既答答我 ~ 唔該晒。
6. 今日出街，見到 D 人都著多左深色衫。之不過。。。 D 人有好多好多頭皮，香港雖然無雪落，之不過無啦啦有好多飄雪。。。好核凸啊。。。另外見到有 D 姐姐既背影幾靚下，之不過唔該收埋你個股溝，巧惡頂。另點解天氣咁凍 D 女人都仲可以著短裙既？麻煩大家再收埋 D 短裙，著翻 D 保得暖個 D 吧。
7. 嚇死我，以為個火牛爆炸。。。家陣都唔知點解「Pop」一聲。。。都唔知係聽錯定乜野，真係嚇死我。。。嚇一嚇成身暖晒。。。