2315，「You are included in my life.」

哈，走堂真過癮！今日走埋最後一日既堂，真爽。本來今日有好多 Subtitle，有「我今晚唔食飯」、「飢渴」、「真淫版」，等等。分別由三個人提出，最後都係用「You are included in my life.」，呵呵。

約左 Wilson + 阿海 Tea。本來約三點，之後 Wilson 兄打定底話會遲硬，咁改左三點半。但係一樣比我批中佢遲到，成四點先浦頭囉，「Late King」果然名不虛傳！

叫左頭三個 Tea Set ↓



我叫既「本格派甜食拼盤」，真係甜到癡肺 ↓



兩杯凍奶茶，唔關事的 ↓



Wilson 叫既「珍寶蜜嘜厚多士」，成舊麵包上 ↓



阿海叫既「鮮果夾餅伴雪糕」↓



好 Grand 既掛牆燈 ↓



唉。。。Wilson 兄食都食得「論盡」。想話影佢 D 罪証，點知毀滅證據囉 ↓



俾人食到空心既厚多士 ↓



係咪好有藝術氣質呢 ↓



加多杯水一樣有氣質 ↓



唔知邊份刀叉可以奪得到水杯既歡心呢！？ ↓



講過好多野，好多都唔記得晒囉，呢排記性差。記得我講個 D 囉，我係三無人士 → 「無錢財、無事業、無情人」。「無」係比「失」慘，失都話曾經擁有過，但係無就真係無吧。

仲有就係 ... 多謝各位關心。我既拍片既能力同興趣都真係好一般，我真係搞唔掂呢 D 又花勞力又花精力既活動。。。話雖如此，我好鍾意影相架！

個個「」無話特別整俾邊個，真係手痕所以去整。如果硬要話整俾某某既話，咁就當係整俾佢吧。聽日睇下有無時間整個另一個表情，好岩某 D 人送俾佢 D 同學。

我仲想話呢，唔好以為我呢期春心動就有新對象。好清楚講一次，係無的。還是老模樣！但係真係春心動得好緊要，尋晚仲要發左個甜夢，哇哈哈。

由四點坐到七點幾，有翻 D 歲月搓跎既 Feel！由於八折卡，所以平左好多下，都幾抵架！之後撘「叮叮」叮去灣仔，NDSL Icy Blue $1370！可以諗諗，呵呵呵。

2349，如果「I’m included in your life.」就好了，哈哈。That’s All.