2315，耶 ~ 做乜唔浦頭！

1. 呵，整日就對住這份 Network Assignment ↓



係，有 D 野係學過，之但係佢 D 問題真係問得幾刁鑽，好多都似是而非，最難做就係 D True or False。總之就搞左好耐啦。走堂既 Risk 除左 Group Project 無組之外，咪就係會唔識囉。自己睇係跟到，但係點都係比有上堂自己聽一次差既。後悔？咁又唔係喎，呢 D 咪叫死性不改！哈。

PS. 做份 Assignment 唔耐，耐就耐在同同學討論，真係講左成日咁多吧。哈，我有同學架，唔好話我無。

百忙中都打到 AOC，死未，哈哈。聽日既 Test 都叫溫過下啦，聽朝點都要死命溫下。話晒都做左一個禮拜腦力訓練架喎，你估講笑架！



2.. 有人對以下兩句句子有 D 疑惑 ↓



好明顯係抄翻黎啦，我 D 英文邊會咁好，呵。「You are included in my life」同「I’m included in your life」係無乜特別關係架喎，可以同時發生，亦都可以係單方面發生。咁好明顯就係「You are included in my life」。但係唔係「I’m included in your life」呢？我又點知呢。

總括來說，即係無講過野，乜事都無發生過，Is That Allright？知唔知呀 BoBo，雖然 99% 你睇唔到。



3. 碎點 ↓

．想話買 D 新既 Cotton 短褲，但係又無乜牌子出。最後最後。。。屋企人買左條 Bossini 童裝既褲過我，呢條褲應該係 14 歲既小朋友著。亦即係話我既身形係 14 歲！？咁對於 14 歲既人黎講個條係屌腳褲，我就變左及膝短褲。條褲仲有芝麻街個隻紅色怪獸架！真係型爆。

．我呢 D 尖酸刻薄既當然會講幾句 ↓





．感謝阿海幫我打左封信。



2415，聽日其實都大大地穫架，早 D 睏，聽朝早 D 做埋 D 手尾！Shit！成班友係度討論個份 Network Assignment。好鬼忙。That’s All.

---
1136，咁岩電視播兩套戲，兩套都有 D 爆笑野發生 ↓

〔臥虎藏龍〕
弟：個把清明劍呀？
我：係，仲有把重陽刀！清明．重陽！

〔蘇乞兒〕
我：個個係咪洪八公呀？
弟：好似係。

。。。過了一會。。。

我：洪七公呀！乜野洪八公！

話分兩頭，點解「Love Hina」中文譯名叫「純情房東俏房客」呢？搞到成本咸書名咁。。。叫翻 Love Hina 咪幾好！套漫畫 + 動畫幾好睇架 ↓



以前就鍾意奈流多 D 既 ↓



依家就鍾意素子多 D ↓



女仔得黎又男仔喎，真係唔錯。大家有機會就要睇下啦，超好睇！