2248，もう、全然ダメでした。

1. 餓到暈暈地，但係又好多野想講喎，盡人事啦。今日真係累到極點，今日既行程 ↓



銅鑼灣落車撘地鐵往佐敦，以為約左個 Partner 係佐敦等再一齊去深水埗，點知原來係一個誤會。咁最後都係深水埗等，沿途行下影下野咁。難得今日拍片無落雨，真係感恩。好可惜祈禱無祈到「唔好踩狗屎」，負責拍片既 Partner 踩左狗屎，真係 Shit！

踩完狗屎之後就由長沙灣行翻去石硤尾，又影左 D 野咁，仲上山登高添 ↓





真係高處不勝寒，行到腳都震埋。。。一野碌落山就 Say Goodbye 了！之後行翻去九龍塘返 CM 過帶，都搞左好耐下。期間 Wifi 打左陣孖車，搞掂晒成四點幾個陣打俾 Alice，可惜佢好幸福咁睏緊晝覺。咁咪同 Partner 去食 Lunch，點知就係個個時候 Alice 覆我，咁咪急急忙咁食晒個吉吉細牛落去地鐵站。噫，純左喎！

PS. 新又係咁打、舊又係咁打，有乜所謂啦。唔好扁咀。

之後返到銅鑼灣撘車個陣，見到有人搶鮮花呢 ↓



Well，回到家又睇左陣 Movie Review，睇片 Final Assignment 決定做《攻殼機動隊 II : Innocence》！睇Review 睇到我眼都盲。。。補完習再回家已經散晒。但係爆笑既事先發生！

話說今晚阿娘要去聽 Talk，咁三父子咪係屋企等佢買飯返黎食。點知無喎，佢自己一個買個大家樂飯盒返黎。咁咪餓囉，真係飢饉三十。。。咁唯有自己整 D 野食，開左個焗爐，但係原來唔記得放 D 野入去焗囉，真係餓到痴左。。。



2. 今日打左好多電話，因為我好無聊，打左俾肥仔先。肥仔話佢有新消息同我講，唔通佢散左！？原來唔係，空歡喜一場。。。係乜野事？咪就係差個 0.06 GPA 就係差 0.06，寄望佢今個 Sem 拉得到吧。還有就係 ... 佢上年話忌水，所以成年都無游過水，但係今年唔知痴左乜線就主動撩我去游水囉。。。與其游水，我更想打羽毛球喎！真係超耐無打，洗乜等考完試，朝早唔洗考試掛！

PS. 肥仔無啦啦又講起個個「25 歲既目標」。好好好，個搵到第一筒金既目標留返比你，我要返我個 25 歲結婚既目標！錢財身外物，老婆仔女就唔同！就一於咁話啦！



3. 搵完肥仔搵 Wilson，尋晚佢發覺一件事，看 ↓



真係天生一對，一樣咁可愛！可惜差 16 年。。。唉，難道 25 歲結婚真係一個妄想？！

好，返回正題。佢今日朝早九點就返到 City 溫書，真係難得。尋晚兩點個陣仲睇死佢唔得添。。。不過唔緊要，返 City 溫唔到書既，我話既！要靜要舒服既地方，去數碼港啦！人影都無隻，想點溫都得！

話說我醒覺大家約出黎唔係食飯就係食飯，真係唔係好掂。要有其他類型活動先得架嘛！不過打波個 D佢又唔岩，真係無乜活動架喎。不如返 Church 啦，又有冷氣，又唔洗花大量勞力。但係 Wilson 就話「與其返 Church，我寧願陪你做運動！」。拿，記住你講過呢句呀！



2346，老婆呀老婆，幾時先出現呀？！That’s All.

PS. 後補：這是考驗我的耐性呢！