2330，今晚我一定要早睏！

1. 唉，呢句唔係我講架 ↓



肥仔，檢討下啦！



2. 補習怪事特別多，講左小組先 ↓

．咁通常會等埋一齊離開中心既，咁岩有個學生好好心等埋我，佢就企正係 Lift 門中間。另一個同學本來想鏱住開門掣，點知鏱錯關門掣。Lift 門一關，夾正個學生額頭。已經笑左一大輪。今日發現佢個頭腫左！？再笑多穫！唔好話我無人性，如果見血既話我唔會笑的！

．另一個同學說：「你個頭夠圓，幾好夾的。」

．同一位學生竟然見到大家見唔到既野！？佢竟然見到隔離 F2 班既 Miss！？明明個班已經無左喇喎，巧驚驚。

．都係同一位學生看見隔離既小學學生，之後便說：「食乜大？高過我？牛高馬大讀六年班！？」。其實個小學學生都唔係高的。


另外那位 Form 2 學生。。。氣死我了。已經用盡各種辦法，計過同一條題目數十次，解釋過十次有多，花左個半鐘去講解一條 Level One 既題目。。。真係好 Bull Shit，事實唔係我講得唔夠清楚，就算唔清楚，講左咁多次都知發生緊乜事嘛。話明又唔識計，咁咪即係唔明囉。答案我都曉背了 ...

另另外，今日先後唔同時間有兩間 Agent 打黎話有補習做，一個係鰂魚涌，一個就係田灣小組。前者太遠了，後者其實時間地點價錢都幾 OK 既，之但係小組既年級係由中一至中四，唔知點解覺得好托兒所 Feel，所以都推左了。其實主要唔想做既原因係因為就快放暑假，補又唔補得耐。

之後打俾 Co 爺問田灣有補習社既咩，佢有補習社既咩？！又唔多覺喎。。。反而短短既一兩條街就有好幾間教會。。。



3. 一個好既 Template 可以用好多次，那個簡潔的 Template 已經用左有 10 次了，用過既人都應該知係邊款 Template。另外尋晚搵到個新字型，幾型下 ↓




4. 細佬俾學校某老師收左部電話。問題重點唔係帶電話，重點係老師係無權收學生野。一來無論係乜野都好，你都無權收學生的私人財物，最多你就記名警告出家長信。二來你唔知會唔會係因特別事件今日先要帶電話，唔係有甚麼大影響，個個老師就搵定工都得。家下 D 家長好聰明架，仲同學校投訴？直接寫信去教統局，等你班老師死左都唔知乜事。

萬一我收埋個炸彈、白粉既話，肯定報驚拉我而唔係收左我再通知家長黎拎翻啦。道理咪一樣，唔係你做得黎既野就唔好做。俾你收，但係要有執法人員在場我先肯囉，咁就去報警囉。一係你要放係我無時無刻睇得到而又安全既地方，唔係放係你枱頭。

真係好火滾喎！平時見義勇為既阿娘竟然話唔好咁做。長兄當父，等我同個老師講幾句咪得。呢 D 人係欺善怕惡！



2407，今日剪唔到片呢。。。唯有聽日努力！That’s All.

---
0255，Well，再一次夜媽媽都未睏，唔好問點解吧。襯記得補翻 D 野先。

根據友人既一言一語、一舉一動，有理由相信佢可能覓得伴侶！？唔係真架嘛？我是一個諸事八卦的人，請心虛者自動報上名來。好事應該要同人分享下既。如果係我會錯意既話，都唔緊要架喎，都可以一樣分享一下。

PS. 1. 作為朋友係咪好應該分享下先，「友人」未必一定得一個。所以呢，唔洗望啦，係講緊你呀！講俾我聽啦，Please ~

PS. 2. 《Da Vinci Code》... 俺可是沒有機會看到小說呢。