2400，朝十到晚十，真係夠晒皮了！

1 一早就起身，要執好晒 D 野等人黎裝修個門口。咁見有多少時間就走去剪頭髮。突然間好多人剪頭髮，都等左 OK 耐下。期間有人打尖！個個係一個好可愛既 BB 仔黎。一見佢扭住計咁剪頭髮就自自然諗起以前超細個既時候都係咁。同 D 細路剪頭髮真係要好有技巧架！又要呃又要氹！

呢個唔係重點，重點係見到一個「洗頭姐姐」衣著極為性感，Tube-Top + 短褲，之但係同間髮型屋好格格不入。。。其實都唔知係姐姐定係妹妹，個樣都算上得下鏡架，咁當然有化妝啦。呢個都未算係重點，重點係佢洗頭既唔係好得，無指力但係有指甲，偶爾都覺得係 R 到我痛。。。洗頭竟然洗到件 T-Shirt 都濕濕地 ... 最後佢同我講左句「Sorry」。難道靚女做事會比較粗心？！之但係總覺得呢個「洗頭姐姐」咁熟口面既，唔知係邊度見過呢。



2. 回到家既時候，裝修師傅已經拆左道大門。真係咪講笑，塵土飛揚，D 塵真係無孔不入！肥細佬就聰明啦，出街游水夾去同學屋企打機。而我就屈係屋企吸塵，真係咪講笑，好飄雪樂園 Feel，連我個頭都封塵。。。

塵又大，再加上我個敏感鼻，成日都好唔舒服！本來都無諗住咁大塵，可以剪下片，可惜事與願遺。唔好話近門口，坐到去屋既盡頭都有塵囉。。。亦因為咁，全家被迫來個端午大掃除！七點清理到十點，連個 D 千年塵埃都清埋，真係攰到乜咁。

除左剪唔到片之外，Miss 左今晚既 Project Runway + National Geography，今集講「猶大福音」呢！好似好有趣咁，可惜睇唔到了。。。



3. 由於乜都做唔到，連晏覺都睏唔到。咁真係無乜好做，結果將應該用黎剪片既時間花晒係打機之上。開翻部 GameCube 黎打，個手掣仲係咁好手感，但真係無乜 Game 打，無乜買單打既 GameCube Game，結果打下機戰、大亂鬥、Viewtiful Joe 就熄機了。。。轉打 NDS，但係一樣無乜 Game 好打，打左兩關 Metroid Prime Hunter、腦練左陣。依家先知道原來部 PS2 係咁重要架！

雖然搞左成日，但係唔代表整完。最嚴重既問題就係家下鐵閘一關上就要拼盡九牛二虎之力先開得翻。咁就死啦，到時真係要搵消防員叔叔爆閘了。。。



2437，終於可以早過一點睏！可能今日吸得塵多，喉嚨乾、鼻塞。條片仲差好多，真係唔知點剪好喎。這個呢，還是這麼喜歡妳。That’s All.

---
0938，究竟尋日等 BoBo 乜呢？就係等呢句 ↓



哈，不出所料，呵呵呵呵呵。

1233，呢穫蕉啦，醒唔起今日裝修，看來整個中午都剪唔到片了。。。