1919，搞左一整日，終於可以正正式式咁用翻部腦！

2047，Wa．Ha．Ha

萬惡並不是淫為首，而是「睡眼不足」！

因為唔夠睏，我生飛滋。
因為唔夠睏，我喉嚨痛。
因為唔夠睏，我無胃口。
因為唔夠睏，我被哽親。
因為唔夠睏，我竟嘔水。
因為唔夠睏，我生病了！

一波三折，夜晚終於去左睇醫生。今朝真係超唔掂，俾粒藥哽死左係喉嚨到，真係差 D 死。之後哽完就作嘔，但因為無野落肚無野嘔，嘔水。。。

醫務所既客人往來不絕，醫生想唔發達都難，絕對係「多 D 黎，密 D 手」。又係老土個句「你作感冒喎」，所以都無乜野既。都係個句啦，早 D睏，多 D休息，但係呢幾日都幾難了。不過衰在講漏左叫佢俾咳藥丸我，家下又係個隻難飲到爆既咳藥水。

係醫務所裡面，見到個蒲樣但係都算少靚既女仔，同一個超似有背景既男仔一齊。好地地一個人搞成咁，似讀書唔成 + 為禍社會的人 ... 咁講好似過份 D，但係呢個係我既感覺。另外今日係又一城 Food Fest 見到 D 爆笑野。一對男女，女既都幾靚下，個男失驚無神強吻個女仔！？個女既反應非常愕然，個個 Moment 笑左出黎 ...

拍片既野唔好提，結果當然係唔好啦，但衰極都唔洗 Retake 掛。萬一不幸就蕉得直！今朝撘巴士見到 Jerome，咁就傾左成程車。Present 完之後吃個「早餐」就落左 SSP 逛左陣，NDS 隻 Mario 賣 $260，聽聞最平試過 $245 @ 灣仔。期間見到李力持出左部 NDSL 白機 + Mario @ 寶源！？

回家諗住可以睏個覺咁，可惜裝修事宜搞到我無得睏，好彩今日個學生咁岩又唔得閒，唔係既話又要堆左日補習。話就咁話，依家都唔知搵得邊日俾個學生補，好忙的說。千期咪打風呀，快快手考晒試唔好煩！

有人跛腳，我又跛埋一份。前日俾舊鐵鎚親個菠蘿蓋，好鬼瘀！！

2156，今晚真係要早 D 睏，點解其他人晚晚都咁夜睏都唔病架！？That’s All.