2202，一個好既時間。

1. 很喜歡這個家，因為每朝都有燦爛既陽光，好有朝氣 ↓



但係同時很討厭這個家，因為時常都有大蜜蜂飛入黎！！真係超剋人憎，仲要次次都成吋幾長既大蜂。唉。。。屈埋係房成大半個鐘等隻巨蜂飛走。誠徵治蜂良方，薄酬。耳仔雖然不靈光，但係對個 D 昆蟲拍翼既聲好敏感，真係毛骨悚然。。。



2. 今日都係頹過，雖然無乜野做過，但係都好攰。睏左個靚晏覺，正！日日睏晏覺既日子又翻黎了！由於悶悶地又無機打，所以撈左 D 日劇黎睇，實行三線劇集日日睇！「欺詐獵人」+「Attention Please」+「Top Caster」。

睇左「欺詐獵人」Episode 1，都 OK 喇。有得睇有得笑，消閒一流！堀北真希上鏡靚過硬照，市川由衣就一般般了。山下智久 ... 總覺得佢好似「野豬大改造」個隻 Kai Kai 地既角色岩 Feel D，扮型就硬係唔知點咁，佢好似有 A 字膊。。。就以第一集黎講，都真係幾 OK 既。



3. 見 +hung 又就黎搵到 Summer Job 就開始妒忌！咁我又去 jijis 搵下，但係 ↓



唉。。。看來老人癡呆症都到後期了，無得醫。。。大家送 D Memo 紙俾我等我寫低 D 野通屋貼，仲要帶定個名牌係身，唔係屋企都唔識返。。。呢期真係好無記性。



4. 今晚，終於發現原來我有「後天間竭癡脷筋」。其實都唔係剛剛發現，都覺左好耐，不過今晚終於肯定左。廣東話裡面無發音係要咬脷，但係我講親「c」、「s」字頭既字都會咬脷，剩係呢兩個音有問題。唔怪得之我講唔到「石獅子」啦！



2332，Gackt 真係好型！Love Letter 正！明天睇埋 Zeta III！呵呵呵。有 D 野好想講但又唔記得左了。。。That’s All.