2250，Um ... 呢句留翻比我講 ↓



點解要咁講呢？唉 ... 落雨天其實係一個浪漫既日子！試想想，如果同另一半共用一把雨傘 + 雨中漫步，那是一幅何其美麗的畫面呢。今日整日落雨，可惜身邊個個係一個麻甩佬。。。千期唔好介意，呵。



1. 講翻 D 陳年野，好耐好耐之前撘隧巴見到 ↓



九巴長途線仲有好多呢類 Notice，幽一個默都幾鬼馬！諗呢類「宣傳」真係好掂，呢 D 咪叫創意囉！仲有就係 ... 巴士下層係多 D 靚姐姐的！經驗！！大家坐多 D 下層吧！女仔既話又可以充下「靚女」，男仔又可以望下「靚女」，何樂而不為？



2. 返正題，今日約左阿海睇戲，睇 the Da Vinci Code。終於有機會睇啦！其實差 D 無得睇，一個二個都係話睇左 / 無興趣，好彩阿海肯陪我睇，佢仲要係睇過再睇！呢 D 咪就係難得囉！咁係新世紀睇，蠢左啦，撘地鐵係旺角落 ... 應該係太子落，行多左好多路，蝕水。

點解 GH 無學生票！？但都只係 $55。這個 the Da Vinci Code，爆唔到劇情添，好多人都睇左本書了。作為一個無睇過書既人來說，好好睇，好多位意為佢完但係又未完。但如果閣下睇過本書既話，可能會無咁好睇，劇情都係飛得快 D。睇都係睇 Tom Hanks，仲有 Jean Reno，仲仲有 Ian McKellen，個個都有唔同既「型」！特別係 Gandalf，真係估佢唔到，哈哈。

如果對歷史、宗教呢類話題無乜興趣既話，呢套戲肯定係悶！之不過呢，這是一個故事，對當中既劇情係「黑歷史」/「野史」般看待吧，都係當做「故事」好一點。真係好敬佩作者 Dan Brown 個 D 想像力，呢 D 咪就係創意囉！故事竟然係咁撲朔迷離，厲害！！

故事還故事，君士坦丁大帝對基督教的發展有一個重大影響，有幾大自己睇 → Click Here



3. 由於遲起身 + 趕住出門口 + 睇晏晝場，所以乜都無食到。睇完戲都三點正，有 D 餓暈既感覺 ... 去左 Pokka @ 新世紀 食早餐 + 午餐 + 下午茶 ↓



Pokka 特別多奇形怪既杯 ↓



有 20% Off 係抵既。Wilson 唔係度當然講佢壞話啦，呵呵呵。之後行下信和，係地庫見到有間鋪係咁，阿欣見到實開心 4，幾多 Cutie 青蛙 ↓



再逛逛各大 Game 場，日版 Mario 賣成 ~$300，好似搶錢咁，忍手唔買住！



4. 看！妖氣濃集 ↓



果然不出所料！小組個陣好多小妖係度搞爛 Gag！可惜唔記得晒 ...



2420，D 人既 MSN Status 好搞笑，真係層出不窮，又係好好笑！That’s All.

---
0021，一 Logout MSN 想轉返去 Miranda，點知 Server Busy ... 天殺！

1040，唔係呢，覺得總係有 D 怪怪地，Check 得咁密既！？無理由架喎，唔通佢 ...