2118，哎也。

1. 我有問題！以下就係概括部份無聊人既意見↓

肥仔：無意見，買既話買白色。
Wilson：遲 D 先買，開頭話買冰藍，之後就話買白色。
阿海：唔好買，買冰藍。
Alice：即刻買，買深藍，唔會買白色。

依家買左白色，被人鄙視了。。。本來諗住買冰藍，但係 Wilson 話實物好膠 Feel，所以就轉諗下白色。深藍就一路都無諗過，因為指模會好現。但其實尋日經過 188 見到有人拎住深藍機都 OK 靚，肥仔都話深藍都 OK。最後係乜色大家都知了 ...

其實諗落，應該係買冰藍好。白色好似好普通，好多 AV 產品都係白色。而且發覺白色機有「氧化」既問題，變黃就 PK 了。雖然係咁多缺點，但真係幾靚架！萬一老任出橙 + 白機就 PK 了，我一定買走家下部 NDSL 換新機。

PS. 1. 其實點解唔好買白呢？絕粹個人喜好還是其他原因？講聲我知好喎，呵。

PS. 2. 我諗我係聽錯 Alice 講個句野，我聽到既係「買深藍喇，我就一定會買白色」。聽少左個「唔」字。如果無聽錯既話一定買冰藍。



2. 原來大家對我既「人物關係表」係咁有興趣，個個都催我快 D 整好。咁整幅圖唔難，難就難在要搵返 D Event 出黎寫。肥仔就一定有「人間愛晚情」既「重頭劇」啦，夠我笑到佢結婚致辭！咁要寫既話就要將咁多篇 Diary 由頭睇到落尾，好大工程架！

不知不覺，咁就寫左一年半，日日無不間斷。我都估自己唔到。有人話只會係女仔先會日日咁寫埋 D 無聊野，那麼當我係女仔吧。話咁快就 600 篇，呢個暑假都想改一改板。想轉 Flash，不過好多技術問題未諗好，最主要係個 Design 未諗好。不過一樣係簡約路線吧，主色係橙 + 白，哈哈。



3. NDSL 出左美版機了，賣 $1130，不過就少左條繩。唔怪得之尋日個老板話會冧價啦！依家最想既就係買返個 Cutie 袋袋住部 NDSL，話時話都想買返 D Cutie 筆。

有人問「the da Vinci Code」有無 Game，PS2 出左隻，不過好唔好玩就唔知了。



2300，Wilson ... 搵到工，所以壞電腦，抵死！應該唔好理佢先岩！！聽日睇下有乜爆笑事發生。That’s All.