2345，唉。。。自招了！

1. 機戰 64 Cap 圖 II，一個傻既、一個癲既 ↓



頭先個大段對白 ... 次次見親都笑餐死 ... 都未算抵死，赤手空拳打 MS 呢下先喪 ↓



當年我既愛機，ガンダムシュピーゲル ↓



可惜當年既機戰用用下會消失 ... 唔知今次會唔會呢。真係超型喎！



2. 南區 ... 其他區大雨既時候呢度無雨，其他地區無雨既時候就好大雨。終於俾我見到爛遮，不過係人為錯誤 ↓



我都聽到好鏗鏘一聲就斷左 ... 張相其實影得好好我覺得，有少少 Feel。



3. 今日再一次百無了賴咁過去，Form 2 個學生補埋今日，終於脫苦海了。Yr2 搵過個新學生，我要補得輕鬆既，最好 EMI School、最好係 Lower Form、最好係可愛 / 省鏡既妹妹，哈哈。

世界杯終於開幕，我呢 D 隱性球迷又會出返黎睇下波咁。不過真係好 Cheap，Cheap 到爛鬼 Cable 買左獨家播映權，仲要投訴搞到 CCTV 都無得睇。點解會咁呢？遲下會唔會連奧運都要俾錢先有得睇呢？話雖如此，已經準備好一切迎接世界杯既來臨，哈哈。

好想買 D 野，就係 Laser Printer，睇中 HP 呢兩個 Model ↓



1020 同 1022，前者千二、後者千七。真係有 D 心動添，但有無需要部 Laser Printer 呢？！都有既，用黎印 Notes 囉，印 D 唔會遇水即化既 Notes。但其實學都唔返，仲印乜鬼 Notes。

見到 Canon 有部二千鬆 D 既 Color Laser Printer，好似好抵咁，但係 D Toner 舊舊都幾百，仲貴過部機！！Samsung 有 D Model 係七百有多，又好似好抵喎，但係得唔得架？平咁多既 ... 人家用開 HP 架嘛。大家俾 D 意見我！

真係自招，有 D 好重要既野，自己遲遲都唔做，結果依家弊家伙。。。唔知聽日 Bernie 會唔會 Online 呢。。。如果唔見佢既話就唔知點了，個陣可能要搵其他人幫手了。



2438，睇波睇波！That’s All.

---
0103，機戰 64 Cap 圖，Double FireBuster！另加 17 話 Clear 證明 ↓



年紀大左，打機少左。原因唔係唔鍾意打機，都仲咁鍾意打，只係可以花在打機既時間少左好多。細路仔唔係打機就睇電視、做功課。年紀大，壓力大，多左好多唔想做既野，想話打機都無晒 Mood 吧。以上就是 Wilson + 我既 Comment ... 到第時結婚有埋仔女個陣想話打機仲難呀！雖然係好將來既事 ...

Jun08 既話題不離於「我好無聊」。對，我真係好無聊，無乜野好做，百無了賴。同我廢人無乜分別，不過唔知點解，日日 D 時間都好唔見洗，無乜做過野又一日了。難道這就是叫「青春」嗎？

1234，唔係講風涼話。之但係南區呢頭真係無乜雨水，係個天黑 D。天文台 45 mins 內由黃 → 紅 → 黑，厲害，又俾人鬧了。。。本來諗住打球，點知都係打唔成。。。↓



其實照出街都無問題，都無落大雨，反而唔知個場有無封到唧，封左就賊頭了。所以都係唔出去了，儘管如此，今日照常補習，風雨不改！我唔會放過任何賺錢既機會，除非個學生話唔補啦 ...

依家 D 學生真慘，紅 / 黑雨要留係學校扮作安全地方。想當年我地有得走架喎！唔通係間間學校唔同？

1251，等好耐了，終於有一陣大雨！！

1254，依家又停雨。。。唉。南區真是美好！

1302，哎也。。。天空放晴 ... 好難相信係黑雨。

1341，一變紅雨呢度就落大雨！