2345，「もう一度」很累 AGAIN，「もう一度」真的很累 AGAIN。「もう一度」累到無野好講 AGAIN。

唔係講笑，極度唔夠睏。呢幾晚都睇波，九點場通常都會睇，十一點踢完，順理成章就將平時九至十一做既野係十一點後先做。「咪咪摩摩」就十二點，咁就開第二場，咁咪順便睇下，到中場休息個陣就想去沖涼睏，但由於太「咪摩」，到下半場個陣都未搞掂，咁咪睇埋下半場。。。如是者，兩點先睇完。個陣真係迫自己去沖涼，但係又要等頭乾，最後要三點先睏得。。。

無奈既係今朝返九半，八點正先知醒，喇喇臨出門口，真係眼睏到我 ... 係車睏呀睏，好過無得睏。今日既普通話，其實係 OK 的。可惜好多普通話好流利既人都 Add 左呢科，我諗我拎 C+ 到啦，一定比人屈低。

有人話死都唔 Add Language Course，一定 Add D 可以屈人分既科拉高個 GPA，但係我又唔係咁諗。我寧願讀 D 自己有興趣既科吧，自己 Core 有時都未必讀得開心，OOD 仲迫自己讀 D 唔鍾意既野，真係好可悲。可惜出黎既 Grade 就肯定差 D 架喇，真係好矛盾。大學有得讀普通話又點解唔讀呢，出面又要俾錢又唔知學得好唔好，大學都算保證吧，但係實比人屈機呢。

Whatever，我諗我會繼續 Take 普通話，儘管比人屈機，最後可能得個 2nd Low，會有人話死蠢。但我就係一個不太功利的人吧。依家都算爆笑了，一三就日文、二四普通話，條脷癡晒根。。。如果我有 Perfect Schedule 既話就慘了，又返工又返學真係會癲，依家咁都唔係差既。

上完普通話之後電 Wilson，約佢吃個 Lunch 咁。呢 D 勤奮員工連幾點食飯都未搞清楚 ... 去左 Spaghetti House Lunch ↓



$130 埋單，貴左添，呢期唔想花錢。我們看看這位行政人員 ↓



這位行政人員上週三上班，當晚就致電給我訴苦，又係咁話悶又話好孤獨。上週五黑雨時就起了「轉工」的念頭。昨日就好有信心咁見工。到今日直情想話辭工。點講好呢。講真，呢位行政人員個心就係想唔做，只係差一個藉口唧。身邊的人會話他辭工便笨，但我覺得唔係既，Summer Job 唧，唔洗咁委屈，唔想做咪唔好做，最緊要唔好後悔唧。點都係我了解佢既，應該話我睇穿佢，哈哈。

吃完之後電左 Co 爺幾次，但係佢唔覆 Call。係巴士上又睏左陣，回到家時一開 Mon 就見到 Co 爺 Send Message 黎話打波。咁咪去打波，仲想話去睏下覺，我真係好眼睏，眼圈勁黑。好趕咁出到香港仔 Book 場，打左陣，發覺 Co 爺好 Ball 左！Good，仲可以有下次。眼尾見到隔離場兩個男仔係度學「用球拍由地面撩返個波上黎」，唔知點解，硬係覺得佢見我撩得咁爽佢地又學。。。呢 D 花巧野黎，用手執啦。

Wilson 說 ↓



我的版本 - Wilson 修訂版 ↓



呢幾日好有「前路茫茫」既 Feel，感覺類似 Form 5 等放榜、Form 7 無書讀既感覺。究竟我畢業可以做 D 乜呢？仲有其他問題。。。看來我要找人傾訴一下了。



2406，好攰 ... 唔知今晚幾點睏呢。That’s All.